ÊLIH - Vervatoxa TJAyî ya tepişteye Ayşe Gokkane 4ine Konferansê TJAyî rê mesaj şawit, Ayşe vat, "Ma cinî bi ruhê xo yê azadî hemverê rejîmê bi seyan serrî, sere wedarnenê. Sere de şarê Kurdî heta ma azadîya pêra şaran û azadîya xo bi dest bikerê, ma do têkoşînê xo dewam bikerê." 

 

Tevgerê Cinîyan ê Azadan (TJA) bi sloganê “Ma hemverê faşîzmî bi qerar ê û azadî de bi israr ê” Êlih de 4ine Konferansê Cinîyan ê Azadan roja 2yîne de dewam keno. Vervatoxa Tevgerê Cinîyan ê Azadan (TJA) Ayşe Gokkan ke Zîndanê Girewteyê Cinîyan ê Amedî de tepişte ya, konferansî rê mesajêkê şawit.

 

Mesajê Ayşe wina yo:

 

Mesajo ke Ayşe kesê tewrê konferansî bîyê, silam kerd wina yo: “Cinî seba cuyêka azad Afrîkayê Başûr heta Rojhelatê Mîyanên, Tirkîya û her çar parçeyê Kurdistanî de hemverê faşîzm û dîktatoran de xo ver danê û rayberîya komelî kenê. Seba nê bi qirkerdişî, şîdet, tepiştiş, tacîz û desteştişî dîktatoran dir rî bi rî yê. Ewro seba polîtîkayê ê rejîman, bi hezaran cinî esîr yenê girewtiş. Ma zîndanan de bê zî hiş û ruhê ma azad o. Cinî hemverê pederşahî, bi ruhêkê azad xo ver danê. Heta şarê ma azad bibo, ma do xo ver bidê. Bi nê hesretî ez 4ine Konferansa Cinîyan silam kena. Heta ke tecrîd bêro şikinayîş û heta ke cinî azad bibê, ma do xo ver bidê. Ez şima cinîyanê ercîyaye silam kena.”