DÊRSIM - Hemverê talankerdişê xoza de, 8ê teşrîna verêne de Meydanê Seyît Riza de bi rayberîya Platformê Ked û Demokrasî yê Dêrsimî reyde mîtîngêkê bêro organîzekerdiş û seba tewrbîyayîşî vengdayîş ame kerdiş.

 

Platformê Kede û Demokrasî, hemverê talankerdişê xoza yê bajarî dewam keno, do 8ê teşrîna verêne de bi sloganê “Ma ser bi kewê, ma wareyê cuye pawenê" mîtîngê herême organîze bikero. Komîteyê amadekarî yê mitîngî muracatê lazimî kerd û derheqê babete de eşkerayîye da.

 

Platformê Ked û Demokrasî eşkerayîye de dîyar kerd ke Dêrsim de bi qirkerdişê daristanan û talankerdişê madenî reyde rî bi rî yo, nê çî pare kerd: “Erdê ma yê ramitişî, deştê ma, mêrg, daristan, newal, çem, parkê ma yê neteweyî, mîrasê ma yê tarîxî û ramitişî ver bi çinbîyayîşî de yê. Qirkerdişê daristanan û madenan bêmabên dewam keno. Her roje wareyê newe yê madenan kewenê merîyet. Koyê Mûnzûrî, wareyê ma yê yenê pawitiş, erdê ma, daristanê ma û mêrgê ma hetê kargehan ra ameyê rijnayîş. Eke ma vernîya nê nêgîrê, do kargehê mîyanneteweyî madenê ma yê binerd bibê û ma rê zî cografyake merde û ameya jehrîkerdiş verdê.

 

Ma do 8ê teşrîna verêne saete  13.30ine de Meydanê Seyîd Riza de mîtîng bikerê. Hemverê îşxalê madenî û seba pawitişê cuya xo, ma do mîtîngê herême ya Dêrsimî de yenê têhet. Do darê ma yê velgî, mase, pezkovî û xeylêk ganeyê bînî ê binê pawitişî de yê, çin bibê. Do bawerîya ma çin bibo. Dewî û bajarê ma çin bibê. Eke ê serbikewê do xoza vînî bikero, wareyê ma yê cuye n me tune bibin. Heke ew bi ser vînî bikerê û Dêrsim vînî bikero.

 

Eke ma bieşkê hemverê hêrişê îşxalî yê madenwanî yê hemverê xoza û cuye de ma mil bidê milê yewbînan û bibê yew, ma do bieşkê serbikewê."