STENBOL - Hunermende Ayfer Duzdaşe do 1ê teşrîna verêne de, Merkezê Kulturê Cemîl Candaşî yê Şîşlî de konserêkê bida.

 

Hunermenda Kurde Ayfer Duzdaşe ke kilamanê kurdkî yê mîyanê şarî de, sey kilamê Meletî yê bi nameyê “Kilamê Erxevanî” , “Fekê Erxevanî” , “Awazê Erxevanî” û “Kilomê Arxawûn” yenê zanayîş arêdana, do 1ê teşrîna verêne de Merkezê Kulturî yê Cemîl Candaşî yê qezaya Şîşlîyê Stenbolî de konserêkê bida. Konser do saete 19.00ine de dest pêbikero.

 

Ayfere, demê nê xebatê arêdayîşî kena; mabêne serranê 2012 û 2014ine de serdayîşê xeylêk dewî û qezayê Erxevan, Yazihan, Kurecîk, Hekîmxan yê Meletî kena û 90î ra zêdeyêr berardişê lehçeyê kurmancî yê kurdkî yê aydê herême qeyd kena.