AMED - ÎHDyê Amedî diyar kerd ke Îran de protestoyê ke hemverê qetilkerdişê Jîna Mahsa Amînî de 50 kesî ameyê kiştiş û vat, "Pêwa binpaykerdişê heqê cuye, welatijî nêeşkenê xo biresnê agahîyan û yenê astengkerdiş."

 

Şubeyê Komeleya Heqê Merdiman (ÎHD) ê Amedî derheqê hêrişê polîs û Mihafizê Şorişê yê rejîmê Îranî yê hemverê çalakiyê ke seba protestokerdişê qetilkerdişê Jîna Mahsa Amînî ke hetê “polîsê exlaqî” ra ameye qetilkerdiş, ameyê destpêkerdiş ser o awanîya komela de eşkerayîyêke da. Eşkerayî de endama Komîsyonê Huqûqî yê ÎHDyî Derya Yildirime qisey kerd û da zanayîş ke rejîmê Îranî hemverê çalakîkeran hêrişê xidar keno û nê dir heqê cuye şarî binpay keno. 

 

Dewam de Derya vat ke, sere de şarê Kurdî û pêroyî şarê Îranî binê tedayêkê giran ê îranî de yo û vat: "Hêzê asayîşî yê rejîmî hemverê çalakîkeran ke xeylê xo bajaranê kurdan de dest pêkerdibi, hêrişê xidarî kerd. Polîs, bi çekan hêrişê çalakîkeran keno. Heqê şarî ke hemverê tedayî protestoyî û rayîr ra şîyayîşî bikerê. Ma tîya zî reyke bîn hêrişê hêzê asayîşî yê hemverê çalakîkeran şermezar kenê."