WAN - Cinîyan polîtîkayê şer û tecrîdî yê îqtîdarî ercna. Ayten Salgire vat: “Tarîx do kesê ke îxanet komel û herra xo rê keno, efû nêkero. Tecrîd pêro Tirkîya de yeno kerdiş. He roje cenazeyi yenê welat. Tutê ma zîndanan de yenê qetilkerdiş.”

 

Tecrîdê serê Rayberê PKKyî  Abdullah Ocalanî tesîr serê pêro komelî de keno û polîtîkayê şerî zî xo dir ano. Hêrişê leşkerî zî fatureyê giran vejeno werte. Cinîyan reaksîyon vera rewşe dayî û dîyar kerdî ke ganî no şer peynî bibo.

 

Cinîyê Wanijî derheqê polîtîkayê şer û tecrîdî de ercnayîş kerdî.

 

‘Tarîx do efû nêkero’

 

Ayten Salgir da zanayîş ke şer 40 serrî yo dewam keno û vat: “Ganî şer peynî bibo. Aştî bêro. Şar bi qetilkerdişî nêqedêno. Vanê qey do Kurdan biqedênê. Wazenê Kurdan bikerê kole la do sernêkewê. Ewro bi mîlyonan Kurdî têkoşîn kenê. Kes nêeşkeno nê fikrî biqedêno. Suleyman Soylu vejêno vano, hende mende. La wina nêyo. Bi serran o wina vanê, la nêqedênê. Ma polîtîkayê şerî şermezar kenê. Wa dayikî nêbermê. Êdî bes o. Her roje Kurdî yenê bombavarankerdiş. Êdî bes o. Wa na gonîye vindaryo.”

 

‘Bi tecrîd şarî pelçiqnenê’

 

Aytenê bale ant serê polîtîkayê tecrîdî û vat: “Girankerdişê tecrîdî komelî bêzar keno, pelçiqneno. Eke pêvînayîşî bêrê destpêkerdiş, do no reş zî vindero. Bi tesîrê tecrîdî reyde krîzê ekonomî zî giran beno û merdimî her roje întîxar kenê. Her roje cenazeyî yenê welat. Tutê ma zîndanan de yenê qetilkerdiş. Ganî ma wayîrê ziwan û nasnameyê xo vejîyê.”

 

‘PDK xîyanet Kurdan rê keno’

 

Pîruze Aşkan zî wina qal kerd: “Ganî tepişteyî bêrê veradayîş. Ganî  yewîya neteweyî bi ca bêro. PDK xîyanet Kurdan rê keno. Ganî pêro  ciwanî û dayîkî bi vengêko hempar hemverê polîtîkayê şerî vejîyê. Ganî ma rêça kultur û ziwanê xo de bê. Ganî ma teslîm nêbê.”

 

‘Xoverdayîş ciwîyayîş o’

 

Duriye Sabay zî reaksîyon vera tecrîdê serê Rayberê PKKyî Abdullah Ocalanî de mojna û wina qal kerd: “Polîtîkayê xîyanet û ajanî estê. Xoverdayîş ciwîyayîş o. Heta ma bibê, ma do xover bidê û têkoşîn bikerê. Ma bi tutanê xo serberzê.”