Sema Çaglak

 

ŞIRNEX – Cinîyê ke şert û mercê xidar de 12 saetan ziyanê pemeyî de şuxulênê, dîyar kerdî ke krîzê ekonomî tesîrêkê pîl serê înan kerdo û bi mecbûrî bi heqdestêkê erjan şuxulênê.

 

Bi ameyîşê mewsimê payîzî dir demê komkerdişê pemeyan zî destpê keno. Dewa Şîvasorî ya girêdayeyê qezaya Silopî ya Şirnexî cinîyê ke şert û mercê xidar de şuxulênê, serê siba ra heta şan de bi vayîyêke erjan, zîyanê peme de şuxulênê. Cinîyê ke krîzê ekonomîye ra gerre kenê, diyar kerdî ke her çiqas nêeşkê heqdestî heq kenê bigîrî zî mecbûrî şuxulênê.

 

‘Krîzê ekonomîye tesîr kerd’

 

Canê Kartal ke 2 serrrî yo nê karî kena, vat ke 12 saetî serê zîyanî de şuxulênê û wiba qal kerd: “Ma şan de saete 4ine de yenê mîyanê zîyanî. Hêta şan de zevîyan de şuxulênê. Tutanê xo keye de verdenê. Krîzê ekonomî her ke şino tewr kûr beno. Her çî giran bîyo. Ma nêeşkenê lazimîyê tutanê xo û debara keyeyê xo bikerê. Ma seba feqîrî, zîyanê pemeyan de şuxulênê la reyna zî qîm nêkeno. Tutê ma şinê mektebe la hacetê mektebî zaf bîyê zêde. Senîn bikerê. Ez û mêrdeyê xo zî  şuxulênê la reyna zî qîmê ma nêkeno. Ma wazenê na rewşe bêra çareserkerdiş.”

‘Ma nêeşkenê heqdestê xo tam bigîrê’

 

Emîne Taşkina 23 serrî ke 2 serrî yo bi karê arêdayîşê pemeyî dir hewl dana debare xo bikero, va ê heqdestê xo tam nêgînê û wina vat: “Ma bi saetan şuxulênê û heqdestê ke ma heq kenê zî nêeşkenê bigîrê. Ma vernê de eşêfe kenê, dima ra dastik kenê û ma nika zî arêdanê. Ma roje se yan zî 90 kîlo peme arêdanê. Goreyê hêzê vuryeno la reyna zî la ma reyna şuxulênê.

”

‘Zehmetîyê ci xeylêk

 

 

Gulsum Erk zî wina qal kerd: “Ma şan de saete 3ine de aya benê û 5ê serê siba yenê mîyanê zîyanî. Ma 3 mengî zîyanê peme eşêfe kenê. Dima ra gama ke arêdayîşî ma dest bi arêdayîşî kenê. Hewa zî germ a, reyan ma bêawe manenê û nêeşkenê awe zî peyda bikerê. Menga êlule û teşrîna verêne de peme arêdanê. Mengê bînan de zî fistiq û xeylêk kare bi nê şeklî kenê. Nê karê wina zî pêro serê milê cinîyan de yo. Her cayê ma dejeno û destê ma kul benê.”

‘Seba krîzî mi mektebî terikna û peme arêda’

 

Tewr peyîn zî Yeşîm Aceta 18 serrî qisey kerd û vat: “Roja ma mîyanê zîyanî de derbaz bena. Gama ma şinê keye zî zaf benê rincan û uca de zî karê keyeyî kenê. Zehmetî zaf a la pere tay danê. Ma tewr zêde hetê germî de zehmetî ancenê. Seba krîzî ez mecbûr menda ke fek mektebî ra vera bidî, mi waştêne perwerdeyê xo dewam bikerî. La nika zîyanan de şuxulêna. Ma karê peme, fistiq û yê bînî kena û hewl dana ke debara xo bikera.”