RIHA - Keyeyê Şenyaşarî roja 573ine de têkoşînê xo yê edaletî dewam keno û vat: “Her kesê ke welat îdare keno, qebûl kerd ke ma têkoşînê xo de heqdar ê. Heqdarî tena kêm nêkena.”

 

Nobeta Edaletî ya Emîne Şenyaşarî û lajê aye Ferît Şenyaşarî seba 3 ferdê keyeyê înan hêrişê avûkatan û xizmê Parlamenterê AKPyî Îbrahîm Halîl Yildiz de amebî qetilkerdiş, dewam kena. Keye seba edalet bi ca bêro, 9ê Adara 2021 de seba Edliyeyê Rihayî Nobete gêno. Çalakiya keyeyî roja 573ine de dewam kena. Seba peynîya hewteyî û edliye padaye ya, keye, keyeyê xo qezaya Pirsûsî nobete girewt.

 

Keyeyî serê hesabê xo yê Twitterî de hesabê Wezîrê Edaletî Bekîr Bozdag etîket kerd û vat: “Her kesê ke welat îdare keno, qebûl kerd ke ma têkoşînê xo de heqdar ê. Heqdarî tena qîm nêkena. Fadil Şenyaşaro ke pî û birayê ci ameyî qetilkerdiş, 4 serrî yo hucre de yeno tepiştiş û dayîke zî serrêke û nîm û verê edlîye de ya.”