MERKEZÊ XEBERAN - RSF qetilkerdişê Edîtora Kovara Jinelojiyî Nagîhan Akarsele şermezar kerd û vat: “Vengê femînîstêke Kurde ameyo birnayîş.”

 

Rêxistina Rojnamegeranê Sînornênas (RSF) ke merkezê ci Parîs o, derheqê qetilkerdişê Nagîhan Akarsele de eşkerayîyêke nuşteyî da û dîyar kerd ke “Vengê femînîstêke kurde ameyo birnayîş” û da zanayîş ke Nagîhan Akarsele roja 4ê teşrîna verêne verê keyeyê Silêmanîye de netîceyê hêrişêkê çekdarî de ameye qetilkerdiş.

 

RFSyî dîyar kerd ke mîyanê serrêke de no hêrişê pancine yo ke Başûrê Kurdistanî de hemverê şexsîyetê kurdan yan zî aktivîstê ke hukmatê Tirkî rexne kenê, bi ca yeno.

 

Buroyê Rojhelatê Mîyanên ê RSFyî vat: “Rojnamegerî û nuştoxe femînîsta kurde Nagîhan Akarsele prosesêkê wina ke cinîyê kurdî semedê azadîya cinîyan rayberîya serewedaritiş kena de ameye qetilkerdiş. Ma nê hêrişî bi şîdet şermezar kenê.”

 

Eşkerayî de selahîyetdarê herême waştî ke do serebût roşn bikerê, kiştoxî bêrê muhakemekerdiş û semedê  Nagîhane edalet bi ca bêro.