DÊRSIM - Hemverê talankerdiş û qirkerdişê xoza bi rayberîya Platformê Kede û Demokrasî yê Dêrsimî ra bi sloganê, "Ma do serbikewê, ma wareyê cuye pawenê" mîtîng organîze kerd. 

 

Bi prayberîya Platformê Ked û Demokrasî yê Dêrsimê, bi sloganê, “Ma serbikewê, ma wareyê cuye pawenê' Meydanê Seyîd Rizayî de mîtîngê heremî yeno organîzkerdiş. Xeylêk endamê partîyê sîyasî û temsîlkarê rêxistinê komelî yê sivîlî tewrê mîtîngî bî.

 

Bi hezaran kesî vernîya mîtîngî Kuçeyê Hunerî heta Meydanê Seyît Riza bi def, tifing û tîlîlîyan bi pankartê “Ma wareyê xo yê cuye pawenê, ma do serbikewî” rayîr ra şî. Rayîr ra şîyayîşî de sloganê, "Ma wayîrê Dêrsimî vejênê" û "Ma Dêrsim de mayinan nêwazenê" ameyî berzkerdiş. 

 

Mîtîng de ewilî Platformê Ked û Demokrasî Kenan Çetîn qisey kerd û vat: “Welat de ma wareyê xozayî diyarî şîrketan kenê. Ma xoverdayîşê Derya Sîyayî Dêrsimî silam kenê. Şarê herême Koyanê Kazî û Îliçê tehluke de yo. Ege de zî darê zeytûnan binê hêrişan de yê. Ma silamanê xo Ege rê zî şawenê.”

 

TMMOByî ra Selçuk Uluorta, Vervatoxê Komîsyonê Ekolojiyî yê HDPyî Nacî Sonmez qisey kerd û bale antî serê qirkerdişê xoza.

 

 

Dima ra zî Yewîya Ekolojî Hatun Esene qisey kerd û wina vat: "Serrê peyîn de 81 bajaran de qirkerdiş û wêrankerdişê xoza bi lez zêde bîyê. Ma kayê serê na cografya zî zanê. Ganî ma ekolojîstî mil bi mil şer bikerê. Her herre pîroz a. Ez bi taybetî veng kesê ke bi şîrketê madenî dir raywanî kenê kena; nê madenî do jehrî bikerê. Ma nimûneyêkê Îliç de dî. Milçîkî êdî uca de nêperenê. Colemêrg de xoza vînî bena. Demo ke xoza vînî bibo, ma do nêbê wayîrê cuye. Bêrê ma wayîrê xoverdayîşê herêmî vejîyê û semedê pawitişê cewherî xo ver bi xoverdayîşê rêxistinbîyaye berê. Krîzê îklîmî verê destî de yo, awe kêmî bena. Bêrê ma Mûnzûr, Dîcle û Zîlan bipawê. Ma do serbikewê.”

 

 

Dimayê qiseykerdişê skeçê Komeleya Xoza û Kulturî yê Dêrsimî ke bale ancenê serê talanê ekolojîkî ame kaykerdiş û dima ra mîtîng bi govende peynî bi.