DÎLOK - Gulistan Alagaş endama Dayîkê Aştîye mîyanê komelî de sey Dayîka Gulê ameyîne nasnayîş, dinyaya xo bedelnaye.

 

Endama Dayîkê Aştîye Gulistan Alagaş mîyanê komelî de sey Dayîka Gulê ameyîne nasnayîş 45 rojî verê felcê mezgî derbaz kerd û nêweşxane de ameyîne tedawîkerdiş. Gulistana ke 2 hewteyan nêweşxane de mende, keye de mîyanê nivînan de bî.  

 

Têkoşînê Dayîka Gulê serra 1990ine de dest pêkerd. Serra 1993ine de dewa Erkentî ya Berwariya Sêrtî de dimayê ke leşkeran eşt serê dewe mecbûrê koçberî Edeneyî bî. Edene de zî Dayîka Gulê têkoşînê xo dewam kerd. Gulê her tim bî hedefê dewlete. Lajê Gulê yê ke tewrê PKKyî bî serra 1999ine de demê Rayberê PKKyî Abdullah Ocalanî anê Tirkîya dinyaya xo bedelneno, la heta ewro zî cenazeya ey nêameya vînayîş. Dayîka Gulê xeylêk rey hemverê tecrîdî û seba rewşa tepişteyê ke tewrê grevê vêşanîye bî.

 

Dayîka Gulê ya ke tu wext fek têkoşînî veranêda tewrê Çalakîya Qalxanê Gane zî bî. Tewrê rayîr ra şîyayîşê Cûdî û Qesaba Newala nî. Tewr peyîn zî  Qetlîama Garî yê Anqara de zî çokê xo ra birîndar bî. 

 

Gulîstan Alagaş ango Dayîka Gulê dimayê ke felç derbaz kerd keye de mîyanê nivînan de bî û vizêr şan de dinyaya xo bedelnaye. Şînê Gulistane do taxa Gazîkent Burakî ya qezaya Şehîtkamîl ê Dîlokî de bêro ronayîş.