AMED - Endama YJA Starî Hamîyet Yalçinkaya ke Besta de dinyaya xo bedelnabî, Amed de binê ablûqayê leşkeran de ameye definkerdiş. 

 

Mabêne endamê HPG/YJA Starî û leşkerê artêşa tirke yê 11ê Gulane de Herêma Bestayî ya Şirnexî de pêrodayîş vejîya. Endama YJA Starî Hamîyet Yalçinkaya (Leyla Amed) pêrodayîş de dinyaya xo bedelna bî û cenazeya aye goristanê bêkesan de amebi definkerdiş. Dimayê ke netîceyê DNAyî yewbînan girewtî, keyeyê Hamîyete cenazeya kênaya xo girewt. 

 

Gorê ke amebi kolnayîş ame girewtiş

 

Keyeyî cenazeya kênaya xo goristanê bêkesan ra girewt û seba definkerdişî vizêr şan de ardî Goristanê Taxa Seyrantepe ya qezaya Bismilî ya Amedî. Seba definkerdişê Hamîyete gorê amebi kolnayîş la gor hetê polîsan ra ame girewtiş. Polîsan bi sebebê ke  qeydê Hamîyete serê dewa Tepecîkî ya Bismilî ya, destûr nêdayî ke bêra definkerdiş. 

 

Nasname ameyî kontrolkerdiş

 

Nê ser de keyeyî cenazeya kênaya xo girewt û ver bi dewa ke ci de ameya dinya kewt rayîr. Dewa Tepecîkî û goristanê dewe hetê leşkeran ra ame ablûqakerdiş. Dekewtişê goristanî de leşkeran kontrolê nasnameyan kerd û bi no hewa destûr dayî ke tewrê  merasîmê definkerdişê cenaze bibê. 

 

Pêwa merdimanê Hamîyete, sewbîna endamê Komeleya Yewîye Kultur Paştdayîşî û Paşydayîşî yê bi Keyeyê Merdimanê Xo Dergûşê Şaristanî de Vînî kerdê  (MEBYA-DER), Komeleya Paştdayîşî û Paştdayîşê bi Keyeyê Tepişte û Hikûmwerdoxan reyde (TUHAY-DER), Partîya Çep a Keske, Partîya Demokratîke ya Şaran (HDP) û Partîya Herêmanê Demokratîk (DBP) zî tewrê merasîmê definkerdişî bî. 

 

Dimayê wecîbeyê dînî, cenazeya Hamîyete binê ablûqayê leşkeran de ameye definkerdiş.