AMED - Endama Meclîsê Şaredarîya Erxenî Ceylan Aslan rê, seba ke tewrê eşkerayîye bîya, heta 15 serrî cezaya zîndanî ameye waştiş.

 

Derheqê Endama Meclîsê Şaredarîya Erxenî Ceylan Asalna ke hetê Wezaretê Karê Zereyî wezîfeyê xo ra ameye girewtiş, seba ke tewrê eşkerayîya seba Hemsereka Kongereya Komelê Demokratîke (KCD) Leyla Guvena ke grevê vêşanîye de bî, dewa amebî akerdiş. Roniştişê dewa 11ine Dadgeha Cezaya Giran ya Amedî de ameye vînayîş.

 

Makamê îdayî ke mutalayê xo pêşkêş kerd, îdda kerd ke Ceylane bi amancê "propagandayê rêxistine" tewrê çalakîyan bîya û bi sûcdarîya "endamîya rêxistine" ceza ci rê ameye waştiş.

 

Heyetê dadgehe zî hemverê mutalayî waştişê pawitişê reya dîyîn ke do bêro kerdiş qebûl kerd û roniştiş taloqê 27ê Êlule kerd.