Mîdye Miqted

 

HELEB - Cinîyê ke Taxa Şêxmeqsûdî de ciwîyenê vera ambargoyê Hukmatê Şamî yê serê Taxê Şexmeqsûd û Eşrefîyî de xover danê. Bi projeyê viraştişê mastî hewl danê têkoşînê xo dewam bikerê.

 

No bî 9 aşme yo ke serê Taxê Şêxmeqsûd û Eşrefîye yê bajarê Helebî de ambargoyêk giran hetê Hukmatê Şamî ra şarî ser de yeno rayraberdiş. Netîceyê caardişan de êdî  werd, derman, şimitiş, gida û heme kelepulê esasî yê cuye derbazê taxe nînê kerdiş. Sewbîna werd û heme lazimîyê cuye bi pereyê zafe tene rotiş. Cinîyê Taxa Şêxmeqsûdî seba hetkarîya cinî û hemwelatijan taxe de mast bi destan virazenê û bi pereyêk ke bazarî ra ercanêr şarî rê roşenî. Heto bîn de zî werd sey adetêk hemwelatijanê Efrînî zî yeno zanayîş û viraştiş. 

 

Vera domnayîşê ambargoyî de projeyan kenê dewre

 

Îdarekara Beşê Ekonomîye ya Kongreya Starî Kurdistan Elîko ke serkêşîya nê projeyi kena ajansê ma rê qisey kerd û wina vat: “Ma sey Komîteya Ekonomîya Cinîye ya Taxa Şêxmeqsûdî bi renge xo yê Efrînî, ma waşt ke projeyêk newe bivejî. No zî viraştişê mastî bî. Sewbîna no proje seba paştîdayîşê bi cinîyanê taxe ame amadekerdiş. Vera domnayîşê ambargoyê serê taxan ma projeyan kenê dewre.”

 

Viraştişê mastî 

 

Kurdistane heto bîn de bale nat viraştişê mastî ser û wina dewam kerd: “Viraştişê mastî bi no hewa hirê rojan dewam keno. ma destpêkerdişî de mast kenê mîyanê tewreyan, awe kenî mîyan û fekê tewreyan gire danî. Di rojan wina maneno û dima ra ma mastê xo girnenê. Demêk serê adirî de maneno û dima ra ma kenê qutîyan.”

 

Hukmatê Şamî astengîyan vejeno 

 

Kurdistane qiseykerdişê xo yê peyênan de qala astegîyanê Hukmatê Şamî kerd û wina peynî ard: “Ma mastî kişta rejîmî ra bi astengîyan anê hetê xo. Çimkî serê sînorê kontrolî lî hukmatê Şamî de zaf cigêrayîş esto. Heta ke ma mastî derbazê taxe kenî ma zehmetîyanê girdan vînenê. Na rewşe zî seba ke şarî xo rê bibî hetkar kenê.”