STENBOL- Parlamentera Partîya Çep a Keske ya Stenbolî Ozgul Sakî dîyar kerd ke do seba cinîyê ke heqê cuya înan ameya xespkerdiş, meclîs de têkoşîn bikerê û vat, hedefê înan oyo ke bi wezaretê cinî reyde dadgehan awan bikerê. Ozgule wina vat: “28ê Gulane de ganî her kes şêro serê sindoqan û rayanê xo bipawê. Sindoqan ra çi netîce vejêno wa vejîyo ma do têkoşînê xo dewam bikerê.”

 

Şarê ke bi serrano hemverê polîtîkaya talan, binpaykerdiş û qetlîamê AKP-MHPyî têkoşîn kenê bi nê xeta têkoşînî weçînayîşê 14ê Gulane de cewabê xo reyke bîn dayî. Pratîkê bêusulîyê îqtîdarî weçînayîşan de reyke bîn vejîya werte û seba nêvejîya serê sera 50î weçînayîş turê dîyîn rê mend. Weçînayîşê parlamenterî de Partiya Çep a Keske tewr zêde hûmara parlamenterê cinî vet û meclîs de temsîlkarîya têduşt bidest kerd.

 

Parlamentera Partîya Çep a Keske ya Stenbolî Ozgul Sakî ke weçînayîşê 14ê gulane de ame hilbijartin tabloya piştî hilbijartinê û der barê tura weçînayîş do 28ê Gulane de pê bêro venga şaran kerdî.

 

‘Çi dibe wa bibo ma do têkoşîn dewam bikerê’

 

Ozgule dîyar kerd ke weçînayîşê 14ê Gulane netîce ke her kes na rewşe ra vano êdî bes o û vat: “Pêwa heme polîtîkayê tedayî şar şi serê sindoqan. Ma hawirêk operaysonê destbendkerdişî, hêrişê hemverê buroyan, astengkerdişê faliyetan de şî weçînayîşan. Pêwa pêro tedayan ma xebate kerd. Na rewşe rewşêke bêtêduşt awan kena. Ma bêasayîşê weçînayîşî şî serê sindoqan. Ez tenê qalê asayîşê sindoqan nêkena. Tu çîyêk nêeşkeno têkoşînê tevgerê kurdî, yê femînîstan û sosyalîstan tengezar bikero. Seba nê netîceyê weçînayîşan se beno wa bibo do têkoşînê ma dewam bikero.”

 

'Cinîyî bi heme rengê xo meclî de yê’

 

Ozgule dewamê qiseykerdişê xo de nê çîyan ard ziwan: “Her tim meclîs de cinîyê ke têkoşînê cinîyan rayra benî estbî. Cinîyê ke meclîs de ca girewtêne patrîarka qels kerdî. Têkoşînî berz kerdî û xeylê heqan dayî qezenckerdiş. Vera zîhnîyetê serdestî de têkoşîn kerdî. Ma do zî serê nê mîrasî de xebate rayra bibî. Yanî no çîyêko newe nîyo. Partîya Çep a Keske bi temsîlkarîya seyyewbînan parlementeyo de da girewt û wina asan ma nêameyî na merhela. Ma bi têkoşînê cinîyan ameyî. Têkoşînê cinîyan vera patrîakayî bîyo. Rengê cinîyan parlementoye de zaf muhîm o. No do bibo hêzê bedilnayîşî.” 

 

'Hedef wezîrîya cinîyan û dadgehî' 

 

Ozgule ard zîr ke Hîzbulah ke serê dişmenîya cinîye de ameyo awankerdiş meclîs de ca gêno û vat ke hedefê înan no yo ke bi cinîyan bînan yê meclîsî reyde tîfaq awan bikerî û wina domna: “Seke beyannameyê ma yê weçînayîşî de zî ca gêno, cinî bi keyeyî nê do sey kirde bêrî naskerdiş. Cinî do babeta cuya xo de biba wayîrê qerar û coka ra zî seba awankerdişê wezîrîya cinîye ma do têkoşîn bikerî. Ma do seba destkewtişê xo Peymana Stenbolî û qanûnê hûmara 6284î têkoşînêk gird bikerî.”

 

'Babete şîyayayîşê îqtîdarê 22 serran a' 

 

Ozgul peynîya qiseykerdişê xo de seba weçînayîşê turê diyînî yê serekomarî sere de cinîyan, vengê tewrbîyayîşê heme kesî kerd û wina qedêna: “Seba şîyayayîşê îqtîdarê 22 serran, 28ê Gulane de ganî her kes şêro sindoqan ser û raya xo bipawo. Sindoqan ra çi netîce vejîyeno wa bivejîyo ma do têkoşînê xo dwam bikerî.”