MERKEZÊ XEBERAN - Goreyê raporê EMCDDAyî serra 2022ine awa berardişî yê Ewropayî Tirkîya warê caardişê tiryakî de mîyanê 5 welatê ewilî yê dinya de ya.

 

Merkezê Çimdarîyê Ewropayî yê Tiryak û Rajeriya bi Tirkîya reyde (EMCDDA) raporê xo yê 2022yîne ê awa berardişî yê Ewropa weşêna. Rapor de ame dîyarkerdiş ke caardişê tiryakî ke serdemê peyîn de tewr zêde yeno şuxulnayîş Stenbol û Edene de zêde bîyo. Goreyê raporî, zêdebîyayîşê caardişê tiryakî û dima ra zî tiryakîyê kîmyewî û sentetîk demê AKPyî de zêde bîyê. Sewbîna ame dîyarkerdiş ke no daye Ewropayî zî zêde yo.

 

Rapor de bi grafîkî yeno dîyarkerdiş ke caardişê tiryakî ke verê Çekya û Slovakyayî ameyîne vînayîş, nika  Belçîka, Qibris, rojhilatê Almanyayî, Spanya û Danîmarkayî, Fînlandiya, Lîtvanya û Norwecî ke Tirkîya zî mîyan de ya, bale anceno.

 

Serra 2021 û 2022yî de cigêrayîşo ke derheqê awa eşteyî ya Ewropa de ame kerdiş mojneno ke şuxulnayîşê tîryakî û tîryakkêşîye bi serran Tirkîya de zêde bîya û bîya welatê ke şuxulnayîşo tewr zêde yo ra yew.

 

60 welatê ke awa eşteye ya înan de tîryak ame tespîtkerdiş, welatê ke mabenê serra nê 2021-2022yî de şuxulnayîşê înan zêde bîya nê yî: Çekya, Letonya, Almanya, Tirkiye û Qibris.

 

Goreyê dayeye Wezîrîya Karê Zerre, tepişte û hukmwerdî yê ke sucê tîryakî mabenê 7 serrî de 36 hezar kesan ra vetî 128 hezar kesan. Goreyê înan dayeyan hûmara tepişte û hukmwerê ke derheqê tîryakî de ameyî tepiştiş, hirêyan yew kes zîndan de maneno.