RIHA - Çalakîya Nobeta Edaletî ya keyeyê Şenyaşarî dewam kena. Keyeyî nê mesajî da: “Têkoşîn, mifteyê edaletî yo. Silam seba kesê ke hemverê zilmî de vengê xo vejenê.”

 

14ê hezîrana serra 2018ine de merdim û pawitoxê Parlamenterê AKPyî yê Rihayî Îbrahîm Halîl Yildiz qezaya Pirsûsî ya Rihayî de hêrişê keyeyê Şenyaşarî kerdî. Hêriş de mêrde û di şajê Emîne Şenyaşare ameyî qetilkerdiş. Emîne Şenyaşar û lajê aye Ferît Şenyaşar ke qirkeedişî de bi birîndarî xelas bîbî, 9ê adara 2021ine de vernîya Edlîyeyê Rihayî de dest bi Nobeta Edaletî kerdibî. Çalakîya keyeyî roja 799ine de dewam kena. 

 

Emîne Şenyaşar û lajê aye Parlamenterê Partiya Çep a Keske yê Rihayî Ferît Şenyaşar serê sibayî de Pirsûs de ameyî verê berê Edliyeyê Rihayî. Keyeyî bi pankartê “Seba keyeyê Şenyaşarî edalet” dest bi nobeta xo kerdî. 

 

Keyeyî, derheqê çalakîya ke serê hesabê xo yê medyaya dijîtale de nê mesajî pare kerd: “Têkoşîn, mifteyê edaletî yo. Her çîyêk seba cuyêka birûmet o. Têkoşînê ma yê vernîya Edlîyeyê Rihayî roja 799ine de dewam kena. Silam seba kesê hemverê zulmî vengê xo vejenê…”