Mîdye Miqted

 

HELEB - Cinîyê ke tewrê perwerdeyê Jineolojîyî bîyî dayî zanayîş ke perwerdeyê bi nê rengî xeylê muhîm o û ganî her kes tewr bibê. Cinîyan vatî: "Perwerdeyê Jineolojîyî seba ma cayê pîroz û serkewtişî yo. Sewbîna kîşte ci de zî zanistê Jineolojîyî bi sereyê xo zanistêk ke her dem neweyî xo reyde ano yo. Lazimîyê pêro cinîyan bi nê zanistî esto seba kr no  ji zanistî rastî vejeno werte."

 

Merkezê Cigêrayîşê Jineolojî yê Taxa Şêxmeqsûdî bi viraştişê perwerdeyê tewir bi tewir hewldayîşê zanekerdiş û musnayîşê zanistê Jineolojî bi komelî reyde dano awankerdiş. Hetê Merkezê Cigêrayîşê Jineolojî yê Taxa Şêxmeqsûdî perwerdeyê îdolojiyî ameyê destpêkerdiş. Perwerde bi amancê nasnayîşê Jineolojî û raşteyê ci yenê organîzekerdiş. Sewbîna  40 cinî mîyanê nê perwerdeyî de amede bî. Nê perwerdeyî de dersê serê Jineolojî û raşteyê ci yenê dayîş. Sewbîna naskerdişê serkişî, fîlozofî, şaîrî û zanyarê cinî kewenê vernî. Perwerde do 4 rojan bêro dayîş. Cinîyan derheqê perwerdeyî de fikrê xo vatî.

 

'Perwerdeyê Jineolojîye ganîbîyayîşê tarîxê cinîye yo’

 

Sewbîna Rûken Mihemede da zanayîş ke perwerde raşteyê Jineolojîye de xeylê muhîm û wina vat: “Perwerdeyê Jineolojîye seba ma cayêk bimbarek de yo û serkewtiş o. sewbîna kişta ci de zî zanistê Jineolojîye bi serê xo zanisto ke her wext newebîyayîşî xo reyde ano yo. Lazimîya heme cinîyan bin ê zanistî esto û coka ra no zanist raştîye vejeno teber. Heto bîn de no zanist sey ganîbîyayîşê tarîxê cinîye yo. Heto bîn de her cinîyêk tewrê perwerdeyî keno û tarîxê xo nas keno. Netîceyê başî zî bi nê perwerdeyîye yenê girewtiş.”

 

Emîra Topala ke tewrê perwerdeyî bî zî ajansê ma rê qisey kerd û nê çîyan ard ziwan: “Di roje ye ke ma tewrê perwerdeyîyê Jineolojîye bîyî. No perwerdeyî seba ma zaf mihîm o. ma roja yewine de derse derheqê şinasnayîşê Jineolojî û raşteyê ci dî. Roja diyîne de şexsîyetê cinî yê bi name û vengî yê tarîxî yê sey Îştar, Haypatîya, Înnana û ûsn. nas kerd.”

 

Venga tewrbîyayîşê perwerdeyê Jineolojîye 

 

Emîraye peynîya qiseykerdişê xo de venga heme cinîyanê taxe kerd ke xo tewrê perwerdeyîyê Jineolojîye bikerî ke xo û tarîxê xo nas bikerî.