MERKEZÊ XEBERAN - Rêxistina Heqanê Merdiman a Efrînî-Sûrîye pare kerd ke menga gulane de Efrîn de 53 kesî ameyê remnayene û bi seyan darî ameyê birnayene.

 

Goreyê agahîyanê ke Rêxistina Heqanê Merdiman a Efrînî-Sûrîye ANHA rê pare kerdê dewleta tirke û komê paramîlîterî Efrînê îşxalkerdeyî de sûcanê xo yê şerî rê dewam kenê. 

 

Tutêk ame qetilkerdene û 53 kesî ameyî remnayene

 

Rêxistine da zanayene ke dewleta tirke û cerganê ci (polîsanê leşkerîyan ê sivîlan, Cebhet El Şamî û cerganê Emşatî) menga gulane de Efrîn de tutêk qetil kerdo û 4ê ci cinîyî tewr tay 53 kesî remnayê. Dewleta tirke û cergê ci bi hawayêkê sîstematîkî Efrîn de sivîlan kişenê û remnenê. Seba ke rehîneyanê efrînijan vera bidê keyeyanê înan rê fîdye wazenê û bi rojan nê kesan rê îşkence kenê. 

 

Darê zeytûnêrî yenê birnayene

 

Dewleta tirke û cerganê ci îşxalê Efrînî (18ê adara 2018î) ra nata tewr tay 900 zeytûnêrî birnayî. Nê zeytûnêrî şaristananê bînan de roşîyenê. 

 

Demografîya Efrînî wazenê bivurnê

 

Dewleta tirke kena ke demografîya Efrînî bivurna coka kesanê xerîban ê sey filîstînijan û keyeyanê cergan Efrîn de cakena.