MÛGLA - Gulsum Yavaşa ke Bodrûm de vînî bîbî, cenazeya aye nêzdîyê bîrêke awe de ame vînayîş. 

 

Gulsum Yavaş (57) qezaya Bodrûmê Mûglayî de 31ê gulane de vînî bîbî û derheqê aye de sey “vînîbîyaye” amebî dîyarkerdiş. Gulsuma ke taxa Pinarlibelen de ciwîyena, merde ameye vînayîş. Lajê aye Osman Yavaş îxbarê “vînî ya” dabi leşkeran û xebata cigêrayîşî amebî destpêkerdiş. Leşker û şarê taxe pîya Gulsume gêrayî. 

 

Leşkeran vizêr şewe cenazeya Gulsume nêzdîyê bîrê awe ya Deşta Etrîm Beylîkî de dîyî. Tîmê weşîye cenazeya Gulsume seba otopsî wedarnayî Sazgehê Tibê Edlî yê Mûglayî. Derheqê serebûtî de cipersayîş ame destpêkerdiş.