ÎZMÎR - Avûkata OHDyî Aryen Turana ke seba Heyetê Pêroyî yê Baroyî ard ziwan ke ganî şuxulnayîşê çekanê kîmyewîyan ê TSKyî bêrê cigêrayîş û ameye muhakemekerdiş beraet kerd.

 

Avûkata OHDyî Aryen Turana ke seba Heyetê Pêroyî yê Baroyî ard ziwan ke ganî şuxulnayîşê çekanê kîmyewîyan ê TSKyî bêrê cigêrayîş û ameye muhakemekerdiş. Hêrişê nîjadperestî ci rê ame kerdiş. Dîyîn roniştişê dewaya bi îddiayê "hetkarîya rêxistine ya bi zaneyî" Aryene ci ra ameyîne muhakemekerdiş 18ine Dadgeha Cezaya Giran ya Îzmîrî de ame vînayîş. Seba beşdaran ewyane de ca çinbî coka roniştiş 2yîn Dadgeha Cezaya Giran de ame vînayîş. Rêxistinê heqê merdiman, temsîlkarê partîyê sîyasî, Heyetê Muşahidîyê Heqê Avûkatan û serê nameyê temsîlkarîyê Baroyê Fransa, Hollanda û Îspanyayî, avûkatanê Aryene û xeylêk kesî tewrê roniştişî bî. 

 

Roniştiş bi tespîtkerdişê nasnameyî dest pêkerd.  

 

Hemserekê Pêroyî yê OHDyî Serhat Çakmak da zanayîş ke meslektaşê înan berpirsîyarîya xo anê ca û vat ke seba Aryene nê, seba çekê kîmyewî ganî tehqîqat biameyîne akerdiş.

 

Aryena ke heqê qiseykerdişî girewte vat ke se beno wa bibo aye do têkoşînê xo dewam bikera. 

 

Badê mabenî mehkema qerarê beraetî da Aryene.