İZMİR - Goreyê Raporê Komîsyonê Tutan ê ÎHDyî serra 2022ine de hemverê tutan de 724 binpaykerdişê heqan pê ameyê.

 

Komîsyonê Heqê Tutan ê Komeleya Heqê Merdiman (ÎHD) ê Şubeyê Îzmîrî raporê “Binpaykerdişê Heqê Tutan ê Serra 2022ine”  bi kombîyayîşê çapemenîye eşkera kerd. Binpaykerdişê heqê tutan ê bajarê Aydin, Afyon, Balîkesîr, Mûgla, Manîsa, Ûşak, Bûrdûr, Isparta, Denîzlî, Kutahya û Îzmîrî yê Herêma Egeyî rapor de ca gênê. Îdarekara ÎHD ya Îzmîrî Cemîle Karakaş rapor wend.

 

Cemîle dîyar kerd ke tutî hem bi qanûnî hem zî bi hetê ehlaqî dayikbîyayîşê xo ra wayîrê heqê xo yê û vat: “Serrê peyîn de seba xeylêk sebeb û tesîrê negatîfî sewîyeya tewr cor de heqê tutan ameyî binpaykerdiş. Binpaykerdişê heqê tutan resayo sewîyeya tehluke. Pêwa ke Tirkîya terefê Peymana Heqê Tutan a zî la polîtîkayê bingehîn ke tutan bipawo nêkerda dewre. Serra 2022yîne de Herêma Egeyî de 724 binpaykerdişê heqê tutan qewimyayî.” 

 

Cemîle hîrayîya raporî de ca da dayeyê binpaykerdişan.