STENBOL - Goreyê raporê ÎSÎGî 5 aşmê ewilî yê serra 2023ine de tewr tay 730 karkerî dinyaya xo bedelnayî.

 

Meclîsê Asayîşê Weşîye Kar û Karkeran (ÎSÎG) raporê cînayetê karî yê 5 aşmê ewilî yê serra 2023ine weşan kerd. Goreyê raporî aşma gulane de tewr tay 145 karkerî dinyaya xo bedelnayê. Sewbîna 5 aşman de zî tewr tay 730 karkeran cînayetê karî de dinyaya xo bedelnayî.

 

Goreyê serra 2023ine; aşma çele de tewr tay 120 karkerî, aşma sibate de 213 karkerî, aşma adare de 130 karkerî, aşma nîsane de 122 karkerî cînayetê karî de dinyaya xo bedelnayî. Wextê îqtîdarê AKPyî de zî tewr tay 31 hezar û 276 karkerî cînayetê karî de dinyaya xo bedelnayî.