AMED - Qezaya Gêlî de serqorîcî Selahattîn Umay ke hewl da cinîya ke ey reyde zewicnayebî qetil bikero, labelê tutî waşt ke dayîka xo bipawo û kerdoxî kişt. Tuto ke amebi destbendkerdiş, ame tepiştiş.

 

Keya û serqorîcîyê dewa qezaya Gêlî yê Amedî Selahattîn Umay, hewl da cinîya ke ey reyde zewicnayebî E.U. qetil bikero. Serebûto ke 8ê Hezîrane de qewimya, ame dîyarkerdiş ke serqorîcî bi hawayêk sîstematîk şîdet E.U., kerdêne û bi hacetêk birnayîşî hêriş kerdo.

 

Tutî seba dayîka xo bipawo bi çeke gule vera da pîyê xo û ey birîndar kerd. Serqorîcî ke wedarnayî nêweşxane merd û E.U. zî seba tedawî berdî nêweşxane.

 

Leşkerê ke roja serebûtî şî dewe tutî destbend kerdî û derheqê serebûtî de zî cipersayîş dayî destpêkerdiş. Dimayê îfadeyê cendirmeyî tutî sewqê serdozgerîye ame kerdiş. Serdozgerî bi qerarê tepiştişî tutî sewqê dadgehe kerd û dadgehe zî qerarê tepiştişî da û tutî berdî zîndan.