AMED - Rojnamegere Safîye Alagaşe yewin roniştişê dewaya xo de ameye tahlîyekerdiş.

 

Yewin roniştişê dewaya derheqê Midûra Weşanê Pêroyî yê JINNEWSî Safîye Alagaşa ke çarçewaya cipersayîşê Serdozgerîya Komare ya Amedî 16ê Hezîrana 2022ine de amebî tepiştiş, 5ine Dadgeha Cezaya Girane ya Amedî de ame vînayîş. Safîye û avûkatê aye Resûl Temur tewrê roniştişî bî. Keyeyê Safîye zî beşdarê roniştişî bî, Platformê Rojnamegeranê Cinîyan ê Mezopotamyayî (MKGP), Cemîyetê Rojnamegeran ê Dîcle Firatî (DFG), Komeleya Cigêrayîşê Medya û Huqûqî (MLSA), Temsîlkarîyê Tirkîya yê Komîteyê Pawitişê Rojnamegeran (CPJ) Ozgur Teach, Komeleya Rojnamegeranê Sînornenasan (RSF) ê Tirkîya Erol Onderoglû, Enstîtuyê Çapemenîye yê Mîyanneteweyî (IPI) Zeynep Gultekîn û meslegdarê Safîye tewrê roniştişî bî.  

 

Dimayê pawitişê Safîye û avûkatê aye heyetê dadgehe mabênêke kilm da.

 

Dimayê mabêne derheqê Safîye de qerarê tahlîye ame dayîş.