RIHA - Nobeda Edaletî ya Emîne û Ferît Şenyaşarî verê edlîyeyê Rihayî de dewam kena. Keyeyê Şenyaşarî mesajê; "Pêwa pêro çî ma bawerîya xo ya seba edaletî vînî nêkenê. Do no dewran helbet rojêke avuryo."

 

14ê hezîrana serra 2018ine de merdim û pawitoxê Parlamenterê AKPyî yê Rihayî yê verê Îbrahîm Halîl Yildiz qezaya Pirsûsî ya Rihayî de hêrişê keyeyê Şenyaşarî kerd. Hêriş de cinî û di lajê Emîne Şenyaşare ameyî qetilkerdiş. Emîne Şenyaşar û lajê aye Ferît Şenyaşar ke qirkerdiş ra bi birîndarî xelas bîbî, 9ê adara 2021ine de vernîya Edlîyeyê Rihayî de dest bi Nobeta Edaletî kerdibî. Çalakîya keyeyî roja 817ine de dewam kerd. Seba ke peynîya hewteyî yo, keyeyî banê xo yê Pirsûsî de nobeta xo dewam kerd.

 

'Ma bawerîya xo ya seba edaletî vînî nêkenê'

 

Keyeyî serê hesabê xo yê medyaya dîjîtale de çalakîya Dayîkê Şemeyî yê hewteyê 951 ard vîr û vat: "No welat de tewr zêde dayîkê welato ke vano 'cenet binê linganê dayîkan de yo' bermenê. Pêwa pêro çî ma bawerîya xo ya seba seba edaletî vînî nêkenê! Do no dewran helbet rojêke agerîyo. Têkoşînê ma yê edaletî roja 817ine de yo... ye... #cumartesianneleri951."