MERKEZÊ XEBERAN - Yew nêweşîya ke kêmî yena vînayîş, Mîyastenîa Gravîs a, eke rast bêra teşîskerdiş û dermankerdiş kalîteyê cuye zêde kena û bena sebebê emrê dergî.

 

Mîyastenîa Gravîs (MG) nameyê nêweşîya ke bena sebebê qepaxê çimanê kewtişî û cot vînayîşî, zor û zehmetîyê qiseykerdiş û werdî. Doktora pispore Banu Kili Taşkopru bi wesîleyê aşma hişmendiya Mîyastenîa Gravîs de qisey kerd û dîyar kerd ke nêweşîya vernîya emrê 40î xeylê bi cinîyan reyde yeno vînayîş û emrê 60î zî bi camêrdan reyde zêdeyêr yeno vînayîş.

 

Banuye da zanayîş ke Mîyastenîa Gravîs nêweşîya ke kêmî yena vînayîş a û seranserê dinya de serê kesî mîlyon ra heta 204 kesî de yena vînayîş û vat: "Welatê ma de zî dayeyêk zelal çin o û nêweşî kronîk nîya. Na nêweşî de dayeyê mergî kewta.

 

Seranserê dinya de 7 hezarî zêdeyêr nêweşîyê ke kêmî yenê vînayîş estê û 400 mîlyon merdimî bi na nêweşîye kewtê. Tirkîya de zî bi 7 mîlyon kesî reyde nêweşîyê ke kêmî yenê vînayîş estê. Nê nêweşîyê ke kêmî yenê vînayîş zî nêweşîyê kronik û averşîyaye, wayîrê dayeyê merdişê berzî yê.

 

Na nêweşî bi xususî ganî rast bêrê teşhîskerdiş. Prosesê teşîsê nêweşîyê kêmî yenê vînayîş zî demê ci mabêne 4 aşman yan zî 8 serran de yo.”

 

Bi enfeksîyon rîsk zêde beno

 

Banuye derheqê nêweşîye de wina vat: “Na nêweşî netîceyê averşîyayîşê antikor, qisurê mabêne sînîr û kasî de vejêna werte. Nîşaneyê ci masûlkeyan de dej vejêno werte. No bêhêzbûn û qelsî her ke şino xira beno. Dej serê sibayî kêmî yo û mîyanê roje de zêde beno. Bi enfksiyonî reyde rîskê giranbîyayîşî zêde beno. 

 

Masûlkeyê tevgerê kapaxê çimî kontrol kenê zî qels benê. Formê nêweşî aver şino û xo sey problemê  qelsîyê masûlkeyê mil, sere, beden û hilmî xo danê teber.”

 

Dermankerdişo rast muhîm o

 

Banuye derheqê nêweşî de dîyar kerd ke norolog û noromuskuyî derheqê nêweşî de xo aver berdê, teşîsê MG kenê û vat ke derheqê nêweşî de perwerde xeylêk bi fêde yo. Banuye derheqê tesîs û dermankerdişê rastî de zî wina vat: “Mîyastenîa Gravîs eke rast bêro teşîskerdiş û dermankerdiş kalîteyê cuye zêde keno û beno sebebê dergbîyayîşê emrî. Na nêweşî baş nêro dermankerdiş beno ke rîskê merdişî zêde bibo. Ma bi şans ê ke welatê ma de dermankerdiş baş yeno kerdiş. Ganî nêweşîya MG binê kontrolê doktorî de bo û dermankerdiş dewam bikero.”