RIHA - Keyeyê şenyaşarî yo ke têkoşînê xo yê edaletî dewam keno nê mesajî pare kerd: “Wezîrê Edaletî ame vurnayîş la bêedaletî dewam kena.”

 

Çalakîya Nobeta Edaletî ya keyeyê Şenyaşarî 9ê adara 2021ine de verê berê Edlîyeyê Rihayî dayî destpêkerdiş, roja 821ine de dewam kena. Emîne Şenyaşar ke keyeyê xo yê qezaya Pirsûsî ra ameye verê berê Edlîyeyê Rihayî raşte de sey “Quncikê edaletî yê Keyeyê Şenyaşarî” yeno binamekerdiş, dest bi nobeta xo kerd. Emîne ya ke pankartê “Seba Keyeyê Şenyaşarî edalet” bi bariyerê betonî de gêrê dabî, derheqê têkoşînê xo yê edaletî ke dewam kena û qirkerdişê welatijê ke rayîrê înan keweno edlîye agahdar kerd.

 

Sewbîna serê hesabê medyaya dîjîtale ya keyeyî de hesabê Wezaretê Edaletî û Wezîrê Edaletî Yilmaz Tûnçî ame etîketkerdiş û no mesaj ame parekerdiş: “Hîn sebir. Hîn têkoşîn. Qesra pey pankartê edaletî, edalet ameyo mehkûmkerdiş. Wezîrê Edaletî ame vurnayîş, bêedaletî dewam keno. Roja 821ine de ya.”