MERKEZÊ XEBERAN - Hûmara 185ine ê rojnameyê Xwebûnî bi manşetê “Azadî parastinê dixwaze” vejîya û bale ant serê rewşa tepişteyan û binpaykerdişê heqan ê zîndanan.

 

Hûmara 185ine ê rojnameyê Xwebûnî bi manşetê “Azadî parastinê dixwaze” vejîya. Hûmara xo ya no hewteyî de bale ant serê rewşa tepişteyan û binpaykerdişê heqê tepişteyan. Nuştoxê rojnameyî Felemez Ulûg, nuşteyê xo yê hewteyî de serê babeta de vinderto û ercnayîşan kerdo.

 

Sewbîna rojnameyî surmanşetê xo de zî ca dayo roportajê ke derheqê qirkerdişê Bismilî de bi Serekê Odaya Muhendisanê Ramitişî yê Amedî Samet Ûcamanî reyde kerdo. 

 

Rîpelê cinî de serê mana û têşîna cinîyan xeberêke analîzî ameya amadekerdiş. 

 

Derheqê hêriş û tehdîdê Tirkîya yê hemverê Rojawan û Vakur û Rojhelatê Sûrîye de zî rojnameyê bi Îdarekara Rêxistina Kurdê Bêsînor Kadar Pîrê reyde xeberêke viraşta.

 

Rîpelê Kirmanckî yê rojnameyî de serê Qirkerdişê Madimakî de xeberanalîzêk ameya amadekerdiş.

 

Rîpelê kulturî de zî bi KASED û Komeleya Kultur û Hunerş ya Dîcleyî reyde derheqê proje û xebatê înan yê newe de di xeberî ameyî amadekerdiş.