AMED - Serekê MHPyî yê Amedî Cîhan Kayaalp seba destdergî ameyîne muhakemekerdiş û qerarê  beraetî amebi dayîş. Dadgeha Îstînafî zî nê qerarê beraetî tesdîq kerd.

 

Serekê MHPyî yê Amedî Cîhan Kayaalp xeylêk reyan destdergî tuto bi nameyê E.A. kerdibi. Semedê nê sebebî zî wezîfe ra amebi girewtiş. 13ine Dadgeha Cezaya Girane ya Amedî semedê Cîhan Kayaalp qerarê beraetî dabî. No qerar, hetê Dadgeha Kargêrî ya Herême ya Amedî ra ame tesdîqkerdiş. Dozger û hetan hemverê qerarê beraetî yê semedê sûcê “tacîzê cinsî”, “îstîsmarê cinsî” û “Bêparverdayîşê azadîya kesêk” ame dayîş, îtîraz kerdî. Nê ser de 7ine Daîreyê Cezayan ê Dadgeha Kargêrî ya Herême ya Amedî îtîraz cigêrayîş kerd û muracatê pêro hetan red kerd. 

 

Heqê Merkezê Heqanê Tutan ê Baroyê Amedî çin o ke îstînaf de muracat bikero, coka waştişê ci hetê  7ine Daîreyê Cezayan ra ame redkerdiş. Qerar de ame vatiş ke demê delîlan û netîceyê cipersayîşî yê dadgehe yeno ewnîyayîş, qerarê beraetî yê dadgehe de tu bêhuqûqî çin ê.

 

7ine Daîreyê Cezayan qerarê redkerdişê muracatê seba îstînafî bi zafêr rayan da. 

 

Semedê ke sûcê “tacîzê cinsî” qerarê qetî ameyo dayîş, tu rayîrê muracatê seba Dadgeha Berzî nêmend. Seba nê zî avûkatê tutî muracatê semedê  Dadgeha Heyetê Bingehîn (AYM) de do semedê sûcê “îstîsmarkerdişê cinsî” û “Bêparverdayîşê azadîya kesî” Dadgeha Berzî de îtîraz bikerê.