AMED - Derheqê organîzasyonê “5. Cilo Fest”, Tevgerê Ekolojîye yê Mezopotamyayî eşkerayîyêke da û vat: "Binê nameyê Festîvala Cîloyî de çalakîyê goreyê kultur, tarîx û xozaya Colemêrgî nêameyê organîzekerdiş û rayîr ver bi talanî akerdê. Ma qirkerdiş qebûl nêkenê."

 

Walîyê Colemêrgî û Qeymeqamtîya Geverî pîya organîzasyonê “5. Cilo Fest” organîze kerdibî. Tevgerê Ekolojîye yê Mezopotamyayî derheqê organîzasyonî de eşkerayî da û reaksîyon mojna. 

 

Eşkerayîya nuşteyî de ame vatiş ke bi sebebê, “herêmê bi asayîşê taybet” qeşa û Golê Satî şarê herême ameyî qedexekerdiş û eşkerayîye wina dewam kerd: “Binê nameyê Festîvala Cîloyî de çalakîyê newe goreyê kultur, tarîx û xozaya Colemêrgî nêameyê organîzekerdiş û verê talanî ameyê akerdiş. Cayê qeşayê ke heta nika tu kesî dest nedayo, reyke de bi tewrbîyayîşê 20 hezaran kesan konî ameyî ronayîş, konserî ameyî dayîş, serê golê qeşayî kano û jestkiyê bi benzînî xebitîyenê, ameyî xebitnayîş. Bi hezaran wesayîtan verê xo dayî raşteyê kampe û xozaya ci ameya lêşinkerdiş. Seke ke no zî bes nêbo, hîn kesê heyranê vaşê endemîk, çîçekê endemîk tira kerdê, kerdê çenteyê xo û uca ra ameyê.

 

Merdimê sivîlî ra zêdeyêr, hêzê dewlete yê biunîforma uca de aseyîne. Xozaya fotografêk milîtarîst dayî. Tîya de tenê raşteyê cuye rantî rê nêakerdî eynî wextî de şeklê kulturê herême zî hetê zîhnîyetê serdest ra ame talankerdiş. Demê peyîn de bi zanebîyayîş her çar hetê Kurdistanî ra hemverê xoza, tarîx û ekolojîye sûcê qirkerdişî yeno kerdiş. Kurdistan de binê nameyê asayîşî de darî yenê talankerdiş, bi HES û JESan herême merdiman safî kenê û xozaya herême yena texrîbkerdiş. 

 

Wextê ke wina de, binê nameyê festîvale de qirkerdişê kultur, tarîx û xoza yeno kerdiş. Coka zî qirkerdişê kultur û yê nasnameyî ke fehmê populîstî yê kapîtalîst û dewlete Kurdistan de kena, nîno qebûlkerdiş. Kesê ke dewa Geverî de pîl bî, bi serran o na qeşa nêdîyê la îqtîdar koyanê şarî, gol û ûsn. verê rantî akerdo û seke raşteyê polîtîka xebitneno. Ma qebûl nêkenê ke îqtîdar nê cayan seke raşteyê pîrozbayî bixebitno. Ganî Colemêrg û pêro cayê bînî, fikrê şarê herême bêro goşdarîkerdiş, îradeyê înan esas bêro girewtiş û raşteyê xoza verê rantî de nêrê akerdiş."