Şehrîban Aslan

 

AMED - Çarçewaya cipersayîşê merkezê ci Amed bî de dewaya derheqê 15 ci ra tepişte, 18 rojnamegerî de amebî akerdiş do 11ê Temmuze de bêro vînayîş. Meslegdarê înan seba roniştişî veng kerdî û vatî, embazanê xo tenê meverdê.

 

22 kesê ke 8ê hezîrane de çarçewaya cipersayîşê ke Serdozgerîya Komare ya Amedî dabî destpêkerdiş, amebî destbendkerdiş de 16 rojnamegerî ci ra ameyî tepiştiş. Hemserekê Komeleya Rojnamegeran ê Dîcle Firatî Serdar Altan, Midûrê Karê Nuşteşî yê Rojnameyê Xwebûnî Mehmet Alî Ertaş, muxabîrê Xwebûnî Zeynel Abîdîn Bulut, Midûra JINNEWSî Safiye Alagaş, edîtorê Ajansê Mezopotamyayî (MA) Azîz Orûç û rojnameger Omer Çelîk, Lezgîn Akdenîz, Mehmet Şahîn, Sûat Dogûhan, Ramazan Gecîken, Neşe Toprak, Îbrahîm Koyûncû, Mazlûm Dogan Guler, Elîf Ungur, Remziye Temel û Abdurrahman Oncu, ameyî tepiştiş.

 

10 aşmî dima derheqê 18 rojnamegerî ke 15 ci ra tepişyayî de bi endamîya rêxistine 12yê Adare de îdianame ame amadekerdiş û hetê 4ine dadgeha Ceza Giran ya Amedî ra ame qebûlkerdiş. Midûra JINNEWSî Safiye Algaş ya dosya ci ameye cîyakerdiş, roniştişê 15ê Hezîrane de ame tahliyekerdiş. Roniştişê 15 rojnamegeran zî do 11ê Temmuze de bêro vînayîş. Meslegdaranê înan seba roniştişê venga tewrbîyayîşî kerdî.

Muxabîra MA Eylem Akdag dîyar kerd ke embazê înan ameyê tepiştiş tenê Safîye Alagaş ameye veradayîş û vat: “Embazê ma seba xeberanê viraştişê seba bernameyê TVyî ameyî tepiştiş. Tu çîyê kerdê  babeta sûc, sûc teşkîl nêkeno. Îqtîdar demê keweno  zor çapemenîya azade hedef gêno. Embazê ma bi serrêke yo tepişte yê. La ma tu wext fek heqîqet ra vera nêda. Ma teber de zî nuştişê xo dewam kerd. Ma meslegê xo pawit.”

 

Seba rojnamegeran veng da

 

Eyleme dewam de bal ant serê muhîmîya meslegî û vat, teda bi çapemenîya azade sînor nêmaneno û heme çapemenî hedef de ya û ganî paştdayîşê rojnamegeran zêde bibo û venga pawitişê rojnamegerîye kerd.

 

‘Rojnamegerî sûc nîya’

 

Nuştoxe rojnamegere Bîrcan Degîrmencî zî bale ant serê tedayan serê rojnamegeran û wina vat: “Çapemenî sey hêza çarine ê dinya yena vînayîş. Bêşik no komelê averşîyaye û dewletê huqûqî de hîna derbazdar o. La çi heyf Tirkîya seba tedayê otorîterî yê siyasî hêzê çepemenîye kewtê binê kontrolî. Bi xêrê patronê çapemenîye, çapemenî hêzê çarine vejîyayo. Binê tedayî de yenê girewtiş. Rojnamegerî suc nîya. Ma îdianameyan ewnîyenê tu çîyêk ke bibo sebebê tepiştişî çin o. Muhtewayê wateyêr ganî ma raste rast sîstem ra biewnê. Rojnamegerî sûc nîya.”

‘Ma kîşte embazanê xo de bî’

 

Muxabîra ajansê ma Oznur Deger zî ke yew 9 rojnamegerê 29ê teşrîna verêne de amebî tepiştiş û ameye veradayîş zî dîyar kerd ke do seba embazê xo xover bidê û rastîyê binusê. Oznure wina bale ant serê muhîmîyê rojnamegerîye: “Rojnamegerî vengê cinî û tutî û bindestan danê eşnawitiş yenê tepiştiş.  11ê Temmuze de roniştişê embazanê ma yo. Ma do vengê înan berz bikerê. Ma do kîşte embazanê xo bê.”