MERKEZÊ XEBERAN - Seba qirkerdişê êzidîyan yê hetê çeteyê DAIŞî ra amebî kerdiş, bi hawayêkê fermî bêro naskerdiş, 80 hezar îmzayî pêşkeşê Konseya Federal ya Swîsreyî ameyî kerdiş.

 

Seba hukmetê Swîsreyî qirkerdişê êzidîyan ke hetê  çeteyê DAÎŞî ra 3yê Tebaxa 2014ine ame kerdiş, nas bikero çarçewaya kampanyaya îmzayan ke aşma Gulane de amebî destpêkerdiş, 80 hezar û 927 îmza ameyî arêdayîş.

 

Îmzayê ke ameyî arêdayîş mabêne înan de, Parlamenterê Parlamentoyê Netewî yê Partiya Sosyalîst ya Swîsreyî Roger Nordman, Parlamentera Parlamentoyê Netewî ya Keskan Natalîe Îmboden û komêke kesê ke bîyê şahidê wehşetê DAIŞî dimayê  eşkerayîya verê parlementoyê Federal yê Bernî, pêşkêşê Konseyê Federal yê Swîsreyî ame kerdiş.

 

‘Wa qirkerdiş bêro naskerdiş’

 

Eşkerayîye de venga naskerdişê qirkerdişê Êzidiyan ame kerdiş. Dîya zanayîş ke no berpirsyarîyêk o. Eşkerayîye de raporê Netewê Yewbîyaye (NY) ke a çarçewaya qirkerdişê çeteyê DAÎŞî yê hemverê êzidîyan de kerdo de ard vîr û ame vatiş ke eke  qirkerdiş bêro naskerdiş do rayîr ver bi qirkerdişê bînan bêro girewtiş.

 

Parlementeran ra vengdayîş

 

Hetê Parlamenterê Parlamentoyê Netewî Fabîan Molîna, Mûstafa Atici, Brîgîtte Crottaz, Laûrence Fehlman Rîelle, Frîedlî Claûdîa, Barbara Gysî, Martîn Landolt, Angelîna Moser Tîana Martîna Mûnz, Jon Pûlt, Ûrsûla Schneîder Schuttel, Prîska Seîller Graf, Lîlîan Stûder, Nîcolas Walder, Celîne Wîdmer, bi pêşnîyaznameyê ke ame peşkeşkerdiş de, venga Parlamentoyê Netewî kerd ke sûcê qirkerdişê ke DAÎŞî êzîdîyan rê kerdo, nas bikero.

 

Pêşnîyaznameyê ke îmzayê 15 parlementeran bîyaye de, bale ant serê raporê Komisyonê Xoserî yê Cigêrayîşê Netewê Yewbîyaye (NY) venga dewletanê endaman ê Konseyê Heqê Merdiman ê NY kerdî ke qirkerdişê êzîdîyan nas bikerê û pêşnîyaznama de no çî ame vatiş:

 

“Swîsre nê qirkerdişî nas bikero, kêm zî bo do edalet seba mexdûran bi ca bêro û eynî wextî de do goreyê  huqûqê mîyannetewî do warê taqîbkerdişê cezayî têkoşînê hemverê nêcezakerdişî de soz bêro dayîş. Bi naskerdişê qirkerdişê êzîdîyan reyde do rayîr ver bi  sûcê wina bêro girewtiş.”