Şehrîban Aslan

 

AMED - Erkan Tartuko ke cinîya bi nameyê Şule Akdenîze ke ci reyde zewecnaye bî, qetil kerdbî. Bi qeraro ke Erkan Tartukî rê ameybî birnayîş, îfadeyê şikin sey ‘pawitişê derheqê sivikkerdişê sucî û sucî ra xelisîyayîşî’ ame ercnayîş. 

 

19ê Gulana 2022yî de qezaya Yenîşehîrî ya Amedî de camêrdo bi nameyê Erkan Tartukî cinîya bi nameyê Şule Akdenîza ke ci reyde qeraxê yewbînan ra fekveradayîşî de bî qetil kerd. Kiştox dimayê qewimîyayîşî rema û 20ê Gulana 2022yî de ame destbednkerdiş û sucê ’qestî cinîya xo kişto’ de ame tepiştiş. Hetê mehkema ra Serdozgerîya Komare ya Amedî ra îdîaname ame amadekerdiş. Îdîaname hetê 7ine Mehkemaya Cezaya Girane ya Amedî ra ame qebulkerdiş û heyetê mehkema diyîne roniştişê dewaye ke 13ê Hezîrane de ame dîyîş de kiştoxî rê ceza birna. 

 

Şîdeto sîstematîk  

 

Îdîanameye de ame dîyarkerdiş ke Şule 2021î de bi kiştoxî reyde zewecîyaya û qet pê nêkerdî, keye her munaqaşayê înan ke kewto mabenê înan û înan bi yewbînan ard. Ame dîyarkerdiş ke qewimîyayîş ra ver kiştox û Şule bar kenê Mêrsînî, dima ra Şule agêrena Amed û kiştox zî 15ê Gulane de yeno Amed. Îdîaname de yeno vatiş ke kiştox mesajê tehdîdî şirawito Şuleye rê û ame vatiş ke kiştox îfadeyê xo de hewl dayo sey sucdar nêro dîyîş. 

 

Dozger îfadeyê şahidan, zabitnameyê cayê qewimîyayîşî, raporê krîmînal, netîceyê otopsî û heme dosyaye çiman ver de girewt û çarçeweya sucê ‘qestî cinîya xo kişto’ de waşt ke kiştox bêro cezakerdiş. 

 

Ceza nêfîna 

 

Îdianame hetê 7. Mehkemaya Cezaya Girane ya Amedî ra ame qebulkerdiş û roniştişê yewine yê dewaye 8ê Hezîrane de ame dîyîş. Mercîyê îdîanameyî roniştişê ewil de waştî ke sucê ‘qestî cinîye  kişto’  ra kiştox bêro cezakerdiş. Roniştişê diyîne yê 13ê Hezîrane de heyetê mehkema sucê ‘qestî cinîye kişto’ ra cezaya muebeto girane da û ceza nêfîna.  

 

Heyetê mehkema dimayê roniştişî nê çîyî eşkera kerd û qerar da ke hîrayîya hedîseyî ca girewt: “Heme delîl, zabitname, rapor, dîmenê kameraye, pawitişê kiştoxî, îfadeyê şahidan, mesaj, raporê krîmînal û heme hîrayîya dosyayî de verê çîyan de ameyî girewtiş; Kiştox roja qewimîyayîşî yeno keyeyo ke makbul tede menena û tena manena û sucê ‘qestî kes kişto’ ra suc kerdo û bi cezaya muebetî ameyo cezakerdiş. Coka ra zî pawitişê kiştoxî ke îfade keno terzê cuya hemraya xo aciz keno, seba sivikkerdişê suc û sucî ra xelisîyayîşî, kerdo. Îfadeyê kiştoxî seba sivikkerdişê sucî yo. Coka ra zî qerarê dewamkerdişê tepiştişê ci ameyo dayîş.”