Rozerîn Gultekîn

 

STENBOL – Merdimî Şemeyî ra Umît Efeya ke temsîlkarê TÎHVî yê Stenbolî ya 28 serrî yo mîyanê têkoşînê heqîqet û edaletî yê Dayîkê Şemeyî de ca gêna. Umîte da zanayîş ke derheqê bêhuqûqîya ke ci reyde yenê rî bi rî muracatê DMME û NYye kerdî û wina vat: “Ma vera nê çîyî de sere nêtewênenê. Ma do her şeme raşteyan de bê. Ma do şikinan bivejnî vernîya muhakemeyî. Ma do ser bikewî û fek Raşteyê Galatasaraye ra nêverdî.” 

 

Dayîkê Şemeyî 27ê Gulana 1995î ra heta nika Raşteyê Galatasarayî de bi amacê persayîşê aqûbetê kesê ke netîceyê kiştişê kerdoxê înan bêdîyar de ameyî vînîkerdiş têkoşîn danê. Na çalakîye çalakîya tewr derge ya tarîxê Tirkîya ya û derbazê qeydan bî. Çalakîya 954ine xo pey de verda. 

 

La no 5 serrî yo bi zext û destbendkerdişan çalakîye yena rojeve  

 

Merdima Şemeyî ra Umît Efeye ke temsîlkarê Weqfê Heqanê Merdiman a Tirkîya (TÎHV) ya Stenbolî de ca gêna, 28 serrî yo mîyanê têkoşînê heqîqet û edaletî ya Dayîkê Şemeyî de ca gêna. Umîte JINNEWSî rê qisey kerd. 

 

Têkoşîn serra 1981î de dest pêkerd 

 

Umîte da zanayîş ke Dayîkê Şemeyî 28 serrî yo têkoşîn danî û o zî 1981î de embazê xo Nurettîn Yedîgolî wextê destbendkerdişî de vînî kerda. Umîte dîyar kerd ke bado ke embazê ci yeno vînîkerdiş a zî bîya Merdimê Şemeyî û wina vat: “Ez zî Dayîkê Şemeyî reyde kewena Raşteyê Galatasaraye. Tirkîya de polîtîkayê wextê destbendkerdişî de vînîkerdiş bi serran pê ame. 95î de keyeyê Hasan Ocakî vejîya raşte û têkoşîn resa merheleyêk newe. Galatasaray tena cayê vîrî nîya. Ewja de dejê hemparî arî ziwan. Merdimê tîya xo îfade kenê. Tîya seba înan bî cayê hêvîye.” 

 

‘Wazenê vernîya edaletî bigêrî’ 

 

Umîte ard ziwan ke polîsan hewteyê 700î de hêriş kerdî û raşte qedexe kerdî û wina dewam kerd: “Dimayê Masîde Ocake caardiş û îşkence ci rê ameyo kerdiş û ci berdî Mehkemaya Desturê Bingeyîn. DDB no caardiş sey binpaykerdişê heqan girewt dest. Keyeyî zî vera nê caardişan de heqanê xo yê qanûnî şuxulna û 28 serrî yo têkoşîn danî. La her tim bi hêrişî reyde yenê rî bi rî. Bi caardişê kêfî şîdet pê ardî û waştî ke vernîya cipersayîşê edaletî bigêrî.” 

 

‘Ma do sey bikewî û dest raşteyî ra nêverdî’ 

 

Umîte qiseykerdişê xo yê  peyênan de bale ant nizdîbîyayîşê kêfîyan ser û vat: “Bi nizdîbîyayîşêk kêfî wazenê vîrê Dayîkê Şemeyî çinî bikerî. Na çalakîye eynî wext de vengêk vera hukmatî ya. Tirkîya bi bêcaverdayîşî reyde yena rî bi rî. Ne îşkencekar ne zî kiştox yenê cezakerdiş. Ma şopdarê prosesî yî. Ma bi ÎHDyî reyde hempar têgêrenî. Muracatê dezgehanê mîyanneteweyîyan ame kerdiş. Avûkatê ma seba sucê ke yenê kerdiş gerre kenî. Vera heme astengî û zextan ma do gamêk tepîya nêerzî. Bi serran o ma sereyê xo nêtewna. Ma heqanê xo wazenê. Ma do sereyê xo nêtewnî. Ma do her şeme raşte de bî.”