AMED - Roniştişê 1ine dewaya 18 rojnamgeranê ke  15 ci ra tepişte yenê muhakemekerdiş, dimayê 13 aşman do siba bêro vînayîş. Roniştiş do hetê çapemenîya neteweyî, ya mîyanneteweyî û xeylêk sazgeh û dezgehê sivîlan ra zî bêro taqîbkerdiş. 

 

Çarçewaya cipersayîşê hetê Serdozgerîya Komare ya Amedî ra merkezê ci Amed bi xeylêk bajaran de 8ê Hezîrana 2022ine de serê keye û sazgeh û degehê çapemenî de erzîya, 20 ci ra rojnameger 22 kesî ameyî destbendkerdiş. Kesê ke ameyî tepiştiş Mudura Karên nuşteyî Safiye Alagaş, Hemserekê Komeleya Rojnamegeran ê Dîcle Firatî (DFG) Serdar Altan, Edîtorê Ajansa Mezopotamyayî (MA) Azîz Oruç, Mudurê Karê Nuşteyî yê Rojanameyê Xwebûnî Mehmet Alî Ertaş, rojnameger Zeynel Abîdîn Bulut, Omer Çelîk, Mazlum Dogan Guler, Îbrahîm Koyuncu, Neşe Toprak, Elîf Ungur, Abdurrahman Oncu, Suat Doguhan, Remziye Temel, Ramazan Gecîken, Lezgîn Akdenîz û Mehmet Şahîn 16ê Hezîrane de vejîyayî vernîya dadgehe bi îdayê "endamîya rêxistine" ameyî tepiştiş.

 

Seba roniştişê dewaya rojnamegeranê ke 15 ci ra tepişte yê û bi pêroyî 18 rojnamegerî ci ra yenê muhakemekerdiş, meslegdaranê înan venga paştdayîşî kerdî.

 

Sewbîna yeno pawitiş ke sazgeh û dezgehê neteweyî, mîyanneteweyî û xeylêk sazgehê sivîlî roniştiş taqîb bikerê.