AMED - Amed de roniştişê dewaya ke 18 rojnamegerî ci ra yenê muhakemekerdiş, bi pawitiş dewam keno.

 

Çarçewaya cipersayîşê hetê Serdozgerîya Komare ya Amedî ke merkezê ci Amed bî, xeylêk bajaran de 8ê Hezîrana 2022yîn de erzîya keye û sazgeh û dezgehê çapemenîye ser de, 20 ci ra rojnameger 22 kesî ameyî destbendkerdiş. Kesê ke ameyî  tepiştiş; Mudura Karê nuşteyî Safîye Alagaş, Hemserekê Komeleyê Rojnamegeran ê Dîcle Firatî (DFG) Serdar Altan, Edîtorê Ajansê Mezopotamyayî (MA) Azîz Oruç, Mudurê Karê Nuşteyê Rojanameyê Xwebûnî Mehmet Alî Ertaş, rojnameger Zeynel Abîdîn Bulut, Omer Çelîk, Mazlum Dogan Guler, Îbrahîm Koyuncu, Neşe Toprak, Elîf Ungur, Abdurrahman Oncu, Suat Doguhan, Remzîye Temel, Ramazan Gecîken, Lezgîn Akdenîz û Mehmet Şahîn 16ê Hezîrane de dimayê ke vetî dadgehe bi îdayê "endamîya rêxistine" ra ameyî tepiştiş.

 

Derheqê 18 rojnamegerê ke 15 ci ra tepişte yê de, dimayê 10 aşmî 12ê Adare de bi îdayê "endamîya rêxistine" îdanameyê ke amebi amadekerdiş hetê 4ine Dadgeha Cezaya Giran ya Amedî ra ame qebûlkerdiş. Îdanameyê rojnamegeran rê 7 serrî û 6 aşman heta 15 serran cezaya zîndanî ameye waştiş. Mudurê Karê Nuşteyî yê JINNEWSî Safîye Alagaş ke dosyaya aye yê bînan ra ameye visnayîş, 15ê Hezîrane de roniştişê dewaya ewil ke ame vînnayîş de ameye tahlîyekerdiş. Roniştişê ewîlî yê dewaya 18 rojnamegeran ke 15 ci ra tepişte yê, roja 2yîn de 4ine Dadgeha Cezaya Giran ya Amedî de dewam kena.

 

Roniştişo ke bi eleqeyêk pîl yeno taqîbkerdiş, ewro zî bi pawitişê rojnamegeran dest pêkerd.