ANQARA - Seba serbestveradayîşê tepişteya nêweşe Ozge Ozbek kampanyaya îmzayan ameye destpêkerdiş. 

 

Seba serbestveradayîşê tepişteya nêweşe Ozge Ozbeka ke Zîndanê Cinîyan ê Sîncanî de ya kampanyaya îmzayan ameye destpêkerdiş. Kampanya bi sernameyê "Veng bide seba heqê cuye ya Ozgeye" ame destpêkerdiş. 

 

11ine Dadgeha Cezaya Girane ya Anqarayî serra 2011ine de derheqê Ozgeye de bi îdiayê “Endamîya rêxistine” 6 serrî û 3 aşmî cezaya hefsê da. Seba ke mezgê aye de tumor estbi, 27ê temmuza 2020ine de Nêweşxaneyê Acibademî yê Stenbolî de emelîyatê mezgê akerde bî. Dimayê emelîyatî zî cezaya Ozgeye hetê Dadgeha Berzî ra ameye tesdîqkerdiş. Heyetê Weşîye yê Nêweşxaneyê Perwerde û Cigêrayîşî yê Daricayî 24ê kanûna 2021ine de raporêk amade kerd û vat ke guncav nîne ku Ozge di girtîgehê de bimîne. Ji bo taloqkirina înfaza Ozge serlêdan hate kirin û Wezareta Tenduristiyê got ku şert û mercên girtîgehê ji bo Ozge guncav nînin. Lê tevî rapora Lijneya Tenduristiyê jî, Saziya Tipa Edlî (ATK) ji bo Ozge raporê “Eşkena zîndan de bimana” amade kerd. 

 

Seba şert û mercê zîndanî rewşa Ozgeye tewr zêde zehmet bena, mîyanê roje de nêeşkena serê lingan de bimana û 10ê temmuze de demê rawuşta sereyê xo daya ranza û dêsî ro û waştişê berdişê nêweşxaneyî kerda labelê selahîyetdarê zîndanî a berdê nêweşxaneyê mîyanê kampusî. Tomografî de ame vînayîş ke gonî sereyê aye ra şino û dimayê 3 saetî reyke bîn tomografî yena antiş. Badê cu Ozge bi ambulanse sewqê Nêweşxaneyê Bajarî yê Etlîkê Anqarayî kerdî. Badê cu dîyar kerdî ke tehlukeyê aye yê cuye dewam keno û ganî mudaxale bêro kerdiş. Doktoran vatî beno ke wextê mudaxaleyî de dinyaya xo bedelna, waştî ke Ozge waştişnameyêk bido. La Ozge nê çî qebûl nêkerd û a zî nêweşxane ra ameye vetiş. 

 

Ozge nika zî zîndan de ya û her roja ke derbaz bena cuya aye kewena mîyanê tehluke. Ozgeya ke bi mektube venga hîsgêrî kerd û waştişê tehlîyeyê xo kerd. Seba tedawîya Ozge zî kampanyaya îmzeyan ame destpêkerdiş. 

 

Bi nê linkî; eşkenê paştdayîşê kampanyaya îmzeyan bikerê.