Rabîa Onver

 

COLEMÊRG - Tuta bi nameyê Esra Y. vernîya 7 serran, Şemzînan de dimayê ke hêrişê cinsî aye rê amebi kerdiş, întîhar kerdebî. Roniştişê dewaya kesê ke hêrişê cinsî eynî tute rê kerdî û dimayê bi aşman ameyî tahliyekerdiş, siba yena vînayîş. Avûkatanê dewa ra Nukeyf Onursal, venga wayîrvejîyayîşê dewa kerd.

 

Qezaya Şemzînanî de vernîya 7 serran tute Esra Y. rê hêrişa cinsî amebi kerdiş û kerdoxê hedîse dimayê ke  bi aşman ameyî tahlîyekerdiş, bibi sebeb ke Esra întîhar bikero. Roniştişê dewa do siba bêro vînayîş. Avûkatanê dewa ra Nûkeyf Onursal, venga wayîrvejîyayîşê dewa kerd.

 

27ê Gulana 2016ine de dewêka qezaya Şemzînanî ya Colemêrgî de 3 kesê bi nameyê Nîhat Yilmaz, Veysî Yilmaz û Zahir Yilmaz hêrîşê cinsî Esra Y. rê kerdî. Çarçewaya prosesê huqûqî yê ke tute merdimanê xo rê qalê çîyê ke qewimyayî de kerd, 3 kerdoxî ameyî tepiştiş û dewa Dadgeha Cezaya Girane ya Geverî de ameye vînayîş. Versûcî dimayê 8 aşman bi îdiayê "nêbîyayîşê delîlan" serbest ameyî veradayîş la peynîya dewa de seba sûcê "îstîsmarê cinsî” û "tehdîdkerdişê azadîye" her yew bi 42 serrî cezaya zîndanî ameyî cezakerdiş. Dimayê ke kerdoxî ameyî tahlîyekerdiş bi hîrê aşman, tute ver bi întîharî berdî. Yew avûkata Baroyê Colemêrgî Nûkeyf Onursal ke bi dosyaya merdişê tute reyde eleqedar bî, averşîyayîşê derheqê dosye de ercna û venga tewrbîyayîşê roniştişê 17ê Temmuze ke Dadgeha Cezaya Girane ya Geverî do bêro kerdiş, kerd.  

 

Seba sûcdaran xelata tahlîyekerdişê!

 

Nûkefe derheqê hêrişê cinsî yê tute ke wextê 11 serrî bî ame kerdiş de seba tute hedîse nêvajo bi vilakerdişê vîdeo ameya tehdîdkerdiş. Nûkeyfe vat, "Dimayê tehdîdê şikdaran ê roja hedîse de Esra rê kerdî, Esra zinar ameye eştiş û serê sibayî cayê ke ameya eştiş, ameye vînayîş. Esra Y. dimayê ke bi birîndarî ameye vînayîş, sewqê Nêweşxaneyê Dewlete yê Şemzînanî kerdî û cipersayîş ame destpêkerdiş. Netîceyê îfadeyê Esra yê 21ê Hezîrana 2016ine de, bi qasê aşmêke dimayê îfadeyê Esra ke roja sewqê nêweşxane û eşkerakerdişê nameyê versûcan, qerarê tepiştişî seba versûcan ame dayîş û prosesê cipersayîşî ame destpêkerdiş.” Nûkeyfe, dîyar kerd ke versucan rê seba her yewî 42 serrî ceza ameya dayîî û dimayê ke dosya şîya îstinafî, heyetê dadgehe qerar dayo ke kerdoxî bêtepişte bêrê muhakemekerdiş. Sewbîna Nûkeyfe dîyar kerd ke dimayê tahlîyekerdişê versûcan bi 11 rojan ê 23 sibata 2017ine de Esra întîhar kerda û peynîya cuya xo arda.

 

Venga tewrbîyayîşê roniştişî

 

Seba roniştişê dewaya ke do siba bêra kerdiş Nûkeyfe nê vengdayîşî kerd, "Sere de meslegdarê mi, ez venga her kesî kena ke dewa rê wayîr vejîyê.”