MERKEZÊ XEBERAN - Hûmara newe ya Rojnameyê Xwebûnî bi manşetê “Şoreşa Xwerêvebirinê” vejîya.

 

Hûmara 187ine ê rojnameyê Xwebûnî vejîya. Rojnameyî manşetê xo de bale ant serê Şorişê Rojawanî û derheqê babete de bi Hemserekê PYDyî Salih Muslîm reyde qisey kerd. Sewbîna rîpelî cinî û kirmanckî de zî derheqê Şorişê Rojawanî de nuşte û analîz estê. 

 

Rojnameyî de surmanşetê xo de zî ca daya roportajê Verfeka HDPyî Ebrû Gunaye. Ebrû derheqê kombîyayîşê xo yê merkezî û şarî reyde qiseykerdişî û ercnayîşî kerda.

 

Rîpelê cinî de vîşêrê Şorişê Rojawanî bi rojnamegere Safîye Alagaş ke vernîya demêk amebî veradayîş, derheqê veradayîşê 15 rojnamegeranê tepişteyan de xeberêke ameya viraştiş. Rîpelê 3ine de zî derheqê texrîbatê ekolojîk û germbîyayîşê global de di xeberê taybetî yenê amadekerdiş.

 

Rîpelê 7ine de zî bi hiqûqnas Ceneyt Canîş reyde derheqê tecrîdê Îmraliyî de ameyo qiseykerdiş. Rîpelê 8ine de zî nuştox Yaşar Eroglû derheqê veradayîşê rojnamegerê kurdî de nuşto.

 

Sewbîna Rîpelê 12ine de zî beşê 3ine yanî beşê peyîn ê dosyaya Jin Aryen ê derheqê Fata Reş de ameyo dayîş.