MERKEZÊ XEBERAN - Qeraxê girawa Sûlawesî ya Endonezya de keştîyêke awe de qelibya. Yeno vatiş ke 15 kesî merdî, 19 kesî zî vînî bîyî.

 

Goreyê eşkerayîya tîmê operasyonê cigêrayîş û xelisnayîşî, keştîye nîmeyê şewe qelibya binê awe. Ame neqlkerdiş ke keştî de 40 kes estbî, 6 kesî ameyî xelaskerdiş, labelê tewr tay 15 kesan dinyaya xo bedelnayî, 19 kesî zî vînîbîyaye yê. Derheqê hedîse de cipersayîş dîya destpêkerdiş.

 

Ercîyeyê vatişî yo ke serra 2018ine de Sûmatra de keştîyêke qelibya binê awe û zêdeyêr 150 kesî dinyaya xo bedelnabî.