MERKEZÊ XEBERAN - Komeleya Rojnamegeran ê Kurdistanî binpaykerdişê azadîya fikr û çapemenîye yê Tirkîya û Başûrê Kurdistanî şermezar kerd.

 

Komeleya Rojnamegeran ê Kurdistanî derheqê binpaykerdişê heqanê rojnamegeran de eşkerayîyêke da. 

 

Eşkerayîya komeleye de ame vatiş, "Ma hedîseyê peyîn yê derheqê binpaykerdişê azadîya fikr û çapemenîye yê Tirkîya û Başûrê Kurdistanî bi şîdet şermezar kenê."

 

Eşkerayîye de ame vatiş ke desteserkerdişê rojnameger Firat Can Arslan, Delal Akyuz û Sîbel Yukler a Tirkîya nîşan dano ke Tirkîya seba rojnamegeran bîya zîndanêk.

 

Sewbîna birnayîşê çar serrê bînî yê tepiştişê rojnameger Şerwan Şêrwanî Başûrê Kurdistanî seke xirabîyayîşê rewşa azadîya çapemenîye ya Başûrê Kurdistanî ame pênasekerdiş.

 

Komeleye waşt rojnamegerê tepişteyî lezkî bêrê veradayîş û azadîya çapemenîye bêra pawitiş.

 

Eşkerayîye de ame vatiş, "Rojnamegerî sûc nîya, rojnamegerî heq a û no heq ganî her şert û mercî de bêro pawitiş.