MERKEZÊ XEBERAN - Kesê ke hetê dewleta tirke ra Efrîn de ameyî bicakerdiş, 67 darê zeytûnan birnayê.

 

Çimeyê herême dayî zanayîş ke kesê kampa Raşteyê Bazarî yê Efrînî de ameyî bicakerdiş, 22 darê zeytûnan ê welatijê bi nameyê Mihemed Omer Elî ke dewa Maretî ya bajarê Efrînî de birnayê.

 

Çimeyî dîyar kerd ke darê zeytûnan ê ameyê birnayîş, serê rayîrê mabêne bajarê Heleb û kantonê Efrînî de yê.

 

Qezaya Bilbilê zî kesê Humisê yê ke Efrîn de ameyê bicakerdiş, nêzdîyê dewa Qestel Miqdadî ya qezaye  45 darê zeytûnan birnayê. Darê ke ameyê birnayîş yê welatijê bi nameyê Menan Osman ê ke ameyo koçberkerdiş.