AGIRÎ - Cinîyê ke Zîndanê Tîpa Lyî yê Panosî de yenê tepiştiş seba ke deyîra kurdî vatî û goveng çarnayî kerdî hucre. 

 

Binpaykerdişê heqan ê hemverê tepişteyan dewam keno. Cinîyê ke Zîndanê Tîpa Lyî yê Panosî de yenê tepiştiş seba ke deyîra kurdî vatî û goveng çarnayî kerdî hucre. Zozan Kabişen û 3 tepişteyê bînî seba ke deyîra kurdî vatî û govende çarnayî îdareyê zîndanî înan vist hucre.   

 

Goreyê malumatanê ke keyeyê tepişteyan da no nizdîyê yew hewteyî yo cinîyê tepişte hucreyê yewkesîye de yê. Heto bîn de malumat înan ra nîno girewtiş. 

 

Binpaykerdişê heqê tepişteyan 

 

Zîndanê Tîpa Lyî yê Panosî her tim bi binpaykerdişê heqê tepişteyan yeno rojeve. Tepişteyê ke nêweşê giran ê randevuyê revîr û nêweşxaneyî zaf erê gênê. Werdê uca zaf xirab ê, çîyê ke kantîn de yenê rotiş zaf vaye yê, her tim cigêrayîşê qawişan yeno kerdiş. Awa şimitişî zî lêşin a û tepişteyan dîyar kerd ke awa şimitişî ra boya xirab yena.