MERKEZÊ XEBERAN - Seba wesîleya serrgêra hêrişê çeteyê DAÎŞî yê hemverê Şingalî, ciwanê şingalijî rayîrşîyayîşêk bi meşaleyan organîze kerdî.

 

Yewîya Ciwanê Êzidxanî û Yewîya Cinîyanê Ciwanan ê Şengalî çarçewaya serrgêra fermanê 3ê Tebaxa 2014ine de bi sloganê, “Bêrê Cengê Azadîye” rayîraşîyayîşêk girseyî organîze kerdî. Badê rayîr ra şîyayîşê ke vera PDKyî yê ke êzidijan hemverê hêrişê çeteyê DAIŞî de verdabi û remabî ser o zî reaksîyon ame ramojnayîş û eşkerayîye ameye dayîş. Eşkerayîye de wina ame vatiş, “PDK bi planê 3ê Tebaxe nêresa amancê xo, la nika binê nameyê peymana 9ê Teşrîna Verêne de plan keno. Senî ke ma ferman qebûl nêkerd, ma do na peymane zî qebûl nêkerê. Gerîlayê ke demê fermanî de ameyî û ma pawitî û ewro bi hêrişê dewleta tirke reyde rî bi rî yê, ganî ma wayîrê înan vejîyê. Ma bi rêxistin kerdî, ma kerdî wayîrê îrade û ma ra visyayî. Ma rê emanetê tewr pîl nê şehîdî bîyî.”