MERKEZÊ XEBERAN - 3-5ê Teşrîna Peyêne de do Parîs de Konferansê Ciwanan ê Dinya bêro organîzekerdiş. Seba tewrbîyayîşê konferansî vengdayîş ame kerdiş û ame vatiş, "Ma do tarîx binusê, awan bikerê.”

 

Ronahî-Merkezê Ciwanan ê Têkilîyê bi Şarî reyde û Tevgerê Ciwanan ê Tarîx Nusenê seba Konferansê Ciwanan ê Dinyaya enternasyonalîstî venga tewrbîyayîşî kerdî ke do 3-5ê Teşrîna Peyêne 2023ine de bêro organîzekerdiş.

 

Konferans do bajarê Parîsî yê Fransayî de pê bêro û çar hetê dinya ra rêxistinê ciwanan do tewr bibê.

 

Eşkerayîya wurdî rêxistinan de ame vatiş, "Seke ciwanê nê serdemî, ma demêk winasî de pîl benê ke krîzê îklîmî, şer û kaos esto. Seba nê çî tevgerê ciwanan ê çar hetê dinya, seba awankerdişê cuyêka alternatîf xo bi rêxistin kenê ke têkoşîn kenê. Ma do yewin rey bi Konferansê Ciwanan ê Dinya de kom bibê, perspektîfê xo munaqeşe bikerê û têkoşînê xo yê hemverê Modernîteyê Kapîtalîstî de xurt bikerê. Seba ke krîzê hemverê ma de krîzêk global o, cewabê ma zî do bi entenasyonalîzmêk newe bibo.”

 

Eşkerayîye de seba tewrbîyayîşê Konferansê Ciwanan ê Yewin ê Parîsî venga tewrbîyayîşî ame kerdiş û ame vatiş, "Yê ke rayîrşîyayîşê tarîxî dîyar bikerê û azadîye sey mîqyasê cuye destnîşan bikerê ma ciwan ê."

 

Seba têkilî: info@ronahi.eu