Hêvî Ezda

 

ŞENGAL - Yewîya Cinîyê Ciwananê Şengalî parkê Xanesorî yê Şengalî de sînevîzyonêk derheqê cuya Rayberê PKKyî Abdullah Ocalan ke Îmraliyî de binê tecrîdê giran de têkoşîn keno, mojnayî û sozê wayîrvejîyayîşê fikrê ci dayî.

 

Parkê pêroyî yê Xanesorî yê Şengalî bi serkêşîya Yewîya Cinîyanê Ciwanan ê Şengalî binê hemleyê Jin Jiyan Azadî, xoserê azadî de sînevîzyonêk derheqê cuya Serek APOyî yê Îmraliyî de weşan kerd. Çalakî bi beşdarîya cinîyê ciwanî û Yewîya Ciwanê Êzîdxanî bi deqeyêk rêzgirewtiş dest pêkerd.

 

Endama Yewîya Cinîyanê Ciwanan ê Şengalî Nazlî Hacî ajansê ma rê qisey kerd û vat: “Binê nameyê hemleyê 'Jin jiyan azadî, xoserê azadî' de ma çalakîya xo organîze kerd. Ma tecrîdê serê serekê xo qebûl nêkenê û çi destê ma ra bêro sey ciwanê Şengalî, ma do seba Serekê xo bikerê.”

 

‘Ma seba Serekê xo her çî rê amade yê’

 

Eynî wextî de Ala Şengalî zî ke aye zî yew endamê Yewîya Cinîyanê Ciwanan ê Şengalî ya, ma rê qalê amancê çalakîye kerd û wina vat: “Seba ke bi wextî reyde tecrîdê serê Serok Apo giran beno, ma seke ciwanê şengalî tîya kom bîyê û ma sînevîzyonêk serê cuya Serek Apo temaşe kerd. Ma tecrîd qebûl nêkenê. Dişmin wazeno ke fikrê Rayber Apo ciwanan ra dûr bifîno. Seba ke ciwanî bi fikr û felsefeyê Rayber Apo resayê sewîyeya averşîyayîşî. Çi destê ma ra bêro ma do seba serekê xo bikerê û fikrê ci rê wayîr vejîyê.”

 

Çalakî bi sloganê ‘Biciwîyo Serek Apo û Bê Serek cuye nêbena’ peynî bî.