STENBOL - Dayîkê Şemîye, çarçewaya 30ê Tebaxe Roja Vînîkerdişî yê Bi darê Zorî yê Mîyanneteweyî de, bi QR kodê ke serê hîkayeyê 31 kesî estbî ê bi persê "Tutanê ma rê se bî?” Afîşêk viraştî.

 

Dayîkê Şemeyî ke 27ê Gulana 1995ine û tepîya bi waştişê "Wa vînîbîyayeyî bêrê vînayîş, aqûbetê înan bêro eşkerekerdiş, berpirsyarî bêrê muhakemekerdiş" têkoşîn kenê, vizêr hela şanî xeylêk kuçeyê qezaya Beyoglûyî de xebata afîşî kerdî. Çarçewaya 30ê Tebaxe Roja Vînîkerdişê Bi Zorî yê Mîyannetewî de ke hetê Neteweyê Yewbîyayeyî ra ameyo qebûlkerdiş de xeylêk kuçeyê qezaya Beyogluyê Stenbolî de xebatê afîşî kerdî. Afîşê ke ameyî daliqnayîş de “Stenbol ma vînîbîyayeyanê to xo vîr ra nêkerd”, “Çi bi vînîbîyayeyanê ma ame?”  Kodê QRyê ke hîkayeya 31 kesê mabêne serranê 1936-1995ine de Stenbol de bi zorî ameyî vînîkerdiş qal kena, ca girewtî.

 

Kesê ke hîkayeyê cuya înan yenê qalkerdiş

 

Nameyê 31 kesê ke hîkayeya înan kodê QRyî de ameyê qalkerdiş wina yê: Salîh Bozîşiko serra 1936ine de bi darê zorî ame vînîkerdiş, Alî Kayahan, Hayrettîn Eren, Nurettîn Yedigol, Silêman Cîhan, Mustafa Asım Hayrullahoglu, Maksut Tepeli, Yusuf Erîştî. Huseyîn Toraman  Ayhan Efeoglû, Husamettîn Yaman, Soner Gul, Halîl Alpsoy, Hasan Gulûnay, Alî Kirginli Erdogan Şakar, Alî Efeoglû, Behçet Canturk, Recep Kuzucu, Cuneyt Aydinlar, Fevzî Aslan, Salîh Aslan, Savaş Buldan, Adnan Yildirim, Hacî Karay, Lûtfiye Kaçar, Îsmaîl Bahçecî, Ridvan Karakoç, Hasan Ocak, Fehmî Tosun, Duzgun Tekîn.