MERKEZÊ XEBERAN - Netîcenameyê konferansa "Ocalanî rê Azadî" ke hetê ciwananê kurdan û yê enternasonalîstan ra ame organîzekerdiş, eşkere bî.   

 

Rayberê PKKyî Abdullah Ocalan ke Zîndanê Tîpê Fyê Asayîşê Berzî yê Îmraliyî de yeno tepiştiş, zêdeyê 30 aşmî yo tu agahî ci ra nîna girewtiş. Seba  azadîya fîzîkî ya Abdullah Ocalanî, ciwanê kurdî û enternasyonalîstî bi sloganê “Ocalanî rê azadî, Kurdistanê rê statû” çalakî dabî destpêkerdiş. Çarçewaya nê çalakîyan de ciwanan bajarê Dortmund ê Almanyayî de konferansêk organîze kerd. Welatê Almanya, Swîsre, Fransa, Îtalya û Ingilistanî bi desan ciwanî tewrê konferansî bî. Konferans nêzdîyê 6 saetan dewam kerd û derheqê azadîya fîzîkî ya Abdullah Ocalanî de munaqeşeyî ameyî kerdiş. 

 

Dimayê roniştişî zî netîcenameyê konferansî ame weşanayîş. Netîcenameyê konferansî wina yo: 

 

* Pêro çîyê derheqê Rayber Apo do bibê merkezê xebatanê ciwanan.

 

* Hemverê zîhnîyetê netew-dewlete ke dimayê Komployê Mîyanneteweyî yê seba tesfîyekerdişê Tevgerê Azadîye hêrişê xo dewam kena, paradîgmaya Modernîteyê Demokratîke ya Rayber Apo bi tewr hêz bêro qalkerdiş û xebatê seba nê bêrê  organîzekerdiş.

 

* Felsefe û paradîgmaya Rayber Apo Rojhelatê Mîtanên heta Amerîkaya Latîn, Efrîqa ra heta Asya, Ewropa ra heta Awûstralyayî sey pêmawitişê zerrîwazî û heskerdişî yê Rayber Apo bêro naskerdiş û vilakerdiş.

 

* Tecrîd û îzolasyonê serê Rayber Apo ke bi serran o dewam keno, bibo rojeve û serê nê bingehî de têkoşîn bêro kerdiş.

 

* Çarçewaya Paradîgmaya Azadîya Cinî ya ke Rayber Apo bi kede û hewldayîşêk pîl awan kerdo, bi pêro rêxistinê cinîyan ê dinya rê munaqeşe bêro kerdiş û roşnîya Şorişê Rojawanî de ke ma vanê şorişê cinî yo, têbêgêrê û felsefeyê Rayber Apo bêro vilakerdiş.

 

* Rolê DYA, YE, CPT, DMMEyî ke xo sey sazgeh û rêxistinê tewr demokratîk mojnenê, sîstemê tecrîdê serê Rayber Apo de verê çiman de rayaumûmî yê dinya rê bêro eşkerakerdiş.

 

* Seba ke pêro kesê ke wazenê nê bêedaletî vindarnê, bi xususî zî rêxistinê pêgirewtişê xo bi Rayber Apo û şarê kurdî rê virazinê, CPT û Konseyê Ewropa rê bi hawayêk seferberî mektûban bişirawê.

 

* Hemverê helwest û kerdoxê ke şexsê Rayber Apo de hemverê tepişteyanê ke zîndananê Kurdistan û Tirkîya de yenê tepiştiş, vejîyê û nê ser de xebate bêra kerdiş.

 

* Seba ke xeylêk sazgeh, bi xususî Konseya Ewropayî seba azadîya Rayber Apo game bierzê, xebatî bêrê kerdiş.