MERKEZÊ XEBERAN - 'Raywanîya Azadîye' ya ciwananê kurdan û  enternasyonalîst ke seba azadîya fîzîkî ya Rayberê PKKyî Abdullah Ocalanî daya despêkerdiş, roja  3ine de bi rayberîya cinîyanê ciwanan pê ame.

 

Almanya, Swîsre, Fransa, Îngilistan, Spanya, Îtalya û Bolîvya zî mîyan de nêzdîyê 40 welatîyê enternasyonalîst û nêzdîyê 200 ciwanê Kurdistanî seba azadîya fîzîkî ya Rayberê PKKyî Abdullah Ocalanî rayîr ra şinê.

 

Ciwanê ke Dortmûnd ra heta Bochûmî bi 25 kîlometreyan rayîr ra şî, vizêr bajarê Essenî de zî bi qasê 18 kîlometreyan rayîr ra şî. Rayîr ra şîyayîş do 8ê êlule Koln de peynî bibo.

 

Roja 3ine ê 'Raywanîya Azadîye' ya ciwanan bi rayberîya cinîyanê ciwanan de dest pêkerd. Roja 3ine de ciwanî serê sibayî HBF ê Oberhaûsî de kom bî û roje sey roja cinîyê ciwanan neql kerdî.

 

Cinîyê ciwanî bi fûlaranê mor û pankartê 'Jin, Jiyan, Azadî, serkewte bikerê azadî' berz kerdî.

 

Hela şanî do derheqê têkoşînê cinîyanê ciwanan de semînerêk bêro organîzekerdiş. Semîner do metodê têkoşînê hemverê polîtîkaya şerê taybetî bêrê ercnayîş.

 

Roja 4ine de ciwanî do verê îstasyonê trene yê Neûssî bêrê têhet û ver bi merkezê bajarê Dusseldorfî de rayîr ra şî.

 

Roja 5ine de 8ê Êlule de ciwanî do  Koln ra ver bi merkezê bajarê Mulheîmî de rayîr ra şêrê û şan de rayîr ra şîyayîşê xo biqedênê.

 

Ciwanan Merkezê Komelê Kurdan ê  Demokratîke yê Dortmûnd de 3ê êlule roja yewşeme konferansêk zî organîze kerdibî.