MÊRDÎN - Cinîyê Hêşerîyî, werdê tewr sereyîn ê mutbexê kurdî belxurî satilan de girênenê û benê serê sifreyan.

 

Cinîyê dewa Hêşerîya Qoserê Mêrdînî werdo tewr muhîm ê mutbexê kurdî, belxurî satilan de girênayî. Satilê belxurî ke sey adetêk ê, hetê tutan ra zî eleqêk gird dîyî.

 

Herre ra heta serê sifreyî

 

 

Genimo ke payîz aşma teşrîna verêne de yeno ramitiş, hamnanî yeno wedaritiş û bi wedaritişê berardişî reyde genim seba belxurî û ardanî yeno pakkerdiş. Genimo wuşk seba belxur, ê nermî zî seba ardanî yeno visnayîş. Dima ra genimê seba belxur bi  keda cinî yeno pakkerdiş û satilan de yeno girnayîş û yeno ravistiş, di rojî binê roje de maneno. Hebê belxurî ke baş wuşk benê, dima ra şirawenê areye. Dima ra belxur seba serê sifreyan amade yo.

 

Bi keda cinî serê sifreyan de cayê xo gêno

 

Zehra Ertaş viraştişê belxurî ke verê sey adetêk bi komî satîlan de ameyîne viraştiş wina vat: “Verê ra ma belxurê xo virazenê. Satilan ra tenekeyêk ma seba tutan vetêne. Dima ra ke girêyayîne, ma tutan rê vila kerdêne. Verê ma pêro dewijan yan zî bi dore girênayîne. Dimayê wedaritişê berardişî ma belxurî girênayîne. Di rojî, hîrê rojî ma verê roje de wuşk kerdêne. Dima ra makîneyê şeîreyan ameyîne dewe. Seba şeîreyan ma mîr kerdêne û qelênayîne. Ma zî şeîreyê xo bi girar reyde dayîne têmîyan ro. Ma verê her çî bi keda destê xo kerdêne. La nika ma bi makîneyan kenê. Hewteyek de ma belxurê xo amade kerdêne û seba serê sifreyan amade bîne.”